عمرو أديب: لو كنت رئيس مصر هريح دماغي ومش هعمل زي السيسي
قال الإعلامي عمرو أديب إنه لو تقلد منصب الرئاسة في مصر، لن يفعل ما يفعله الرئيس السيسي من بناء كباري ومدن جديدة ومستشفيات، وكل ما سيهتم به هو فقط الحفاظ على سعر رغيف العيش والبنزين.
أوضح “أديب” خلال حلقة مساء الجمعة من برنامج “الحكاية” المذاع على قناة “mbc مصر”: “لو أنا في يوم كنت رئيسًا في مصر، مش هعمل زي ما عمل الرئيس السيسي، هظبطكم، تمويل وعلاج وبنزين ميزيدش وكده، بس لا هعمل طرق ولا مدارس ولا مستشفيات، هبسطكم، واللي يجي بعدي يعمل، أنا هريح دماغي الفلوس بتيجي هديهالكم وأهم حاجة أحافظ على سعر العيش، وهو ده اللي ليه شعبية في مصر”.
نرشح لك:هل الفيروس الكبدي الذي يصيب الأطفال موجود في مصر؟ متحدث الصحة يجيب
أضاف: “بس يا جماعة الرئيس ده ميبنيش دولة، الدولة محتاجة حاجات تتعمل لقدام، احنا بقالنا 60 و70 سنة بنعاني، هو في بلد تقعد كل ده تعاني؟ آن الأوان يحصل تحول”.
أردف: الناس تتحدث عن 7 سنوات فقط من الحكم معلقًا: “لسة بنقول يا هادي”، مؤكدًا أنه تم حل أزمات كثيرة أبرزها الكهرباء، مشيرًا إلى أن الاختلاف في مصارف التطوير في مصر، ولكن ليس لأحد الحق بأن ينتقد التطوير نفسه.