فريدة الشوباشي عن جمال عبد الناصر: أعظم زعيم بعد عمر بن الخطاب
قالت الكاتبة الصحفية فريدة الشوباشي، إن الرئيس الراحل جمال عبد الناصر، في رأيها، هو أعظم زعيم بعد الخليفة عمر بن الخطاب.
تابعت خلال لقائها مع برنامج “سابع سما” مع الإعلامية راغدة شلهوب، عبر شاشة “النهار”: “ده أعظم شخصية وأعظم زعيم من ساعة عمر بن الخطاب، الحب ده كله لأنه كان بيرد على الناس اللي بتتكلم، وخلانا نحس بكرامتنا.. أنا شخصيا كنت بصلح الحذاء بتاعي 3 مرات في السنة وألبسه هو هو، بعد عبد الناصر أنا اشتغلت وكسبت”.
نرشح لك: توزيع 850 ألف كرتونة ضمن “حملة المليون” من مؤسسة حياة كريمة
أضافت: “عمري ما هنسى زغروطة أمي لما لغى الألقاب، وراعى حقوق العمال والفلاحين.. ولما روحت فرنسا مسبتش كلمة عنه مقرأتهاش، راجل بلا رذيلة وكل الصفات الجميلة فيه”.
أردفت: “لا عرفوا يلاقوله حساب مثلا في بنك ولا علاقة مريبة، الراجل ده رمز النقاء، لو هو بص دلوقت وشافنا هيقول برافو يا سيسي.. بلدي النهاردة في إيد أمينة زي ما كانت في إيد العظيم جمال عبد الناصر”.
استطردت: “عبد الناصر كان نموذج وطني وعروبي محترم، سابلنا الإحساس بالكرامة.. عشان كده لما الرئيس السيسي قال حياة كريمة أنا رجعت لأيام حلوة”.