دينا فؤاد: مش من حق حد يعرف حاجة عن حياتي

محمد هيثم

قالت الفنانة دينا فؤاد، إن الحياة الشخصية للفنان ليست ملك للجمهور، ولا يحق للجمهور معرفة تفاصيل الحياة الخاصة للفنان، موضحة أن الجمهور يمكن أن يعلم فقط الإطار العام للحياة الشخصية للفنان.

أضافت “فؤاد” خلال حوارها مع الإعلامية ياسمين عز ببرنامج “كلام الناس” مساء أمس المذاع على شاشة “MBC مصر”، أنها لا تقبل أن تكون حياتها الخاصة مشاع للناس، فهناك أشياء خاصة في حياتها ليس لأحد الحق في معرفتها، لافتة: “أنت كجمهور هل تقبل أن بنتك حياتها الخاصة حتى لو اشتغلت فنانة تبقى مشاع للناس”.

أشارت: “في حاجات خاصة جدا، خاصة بحياتي كدينا مش من حق حد يعرفها، أو أتكلم فيها، لأن في الآخر أنا مبعملش حاجة غلط عشان أخاف منها، بس مش كل حاجة لازم تتعرف عن حياتي”.

أردفت: “مش طبيعي أني أطلع أحكي كل حاجة عن حياتي عشان أنا مبعملش حاجة غلط، وعشان أنا بعمل كل حاجة صح فأطلع أحكي كل حاجة عن حياتي مش طبيعي، ومش من حق حد يتدخل في حياتك الخاصة، واللي مش هيحب دينا عشان مش سايبة حياتها الشخصية مشاع للي رايح واللي جاي أنا بحترمه جدا ميحبنيش”.