فاطمة عيد: "ربنا ما بيتعاندش.. طلبت ولد ورزقني ببنت"

شدوى ممدوح

تحدثت الفنانة فاطمة عيد عن علاقتها مع الله فوصفته بأنه حبيبها، وقالت إن الله هو ملجئها الأول عندما تمر بمحنة أو بشدة، كذلك تلجأ إليه في الخير أو في الشر، وقالت إن الله راضي عنها ولا يرفض لها أي طلب.

قالت ”عيد” خلال حلقة جديدة من برنامج “كلم ربنا” مع الإعلامى أحمد الخطيب: ”عمرى ما كنت فى محنة أو شدة إلا والتجيء لربنا في أي وقت، ده أنا بحس إنه بيرد عليا، لما أقوله يا رب أنا بين أيديك ماليش حد غيرك، أنا ربنا مادنيش ولد وأنا أم البنات، وربنا ما بيتعاندش”.

نرشح لك: مجدي الهواري: استعنت بمشاكل أبنائي التعليمية في “دايما عامر”

أضافت: ”كنت طالبة من ربنا يديني ولد ويجبر بخاطري، وكان عندي وقتها 4 بنات، وإحنا ناس ريفيين بنحب الصبيان أوي، وبنقول الولد خليفة أبوه وأمه، وقولت لربنا يا حبيبي أنت ما تتعاندش، أنا يمكن اخطأت إني طلبت حاجة وربنا مادهليش، ومفيش أغلى من ربنا في الدنيا، وبعد كده خلاص نسيت، وجاتلي شيماء وهي أغلى من نور عينيا”.

أشارت الفنانة فاطمة عيد إلى أن الله قد عوضها عن عدم إنجابها لصبي، ورزقها بابنتها شيماء التي عوضتها عن ذلك، لافته: ”نسيت حكاية إني عايزه ولد، وبصيت لربنا حسيت إنه بيقولي يا عبيطة، مش ممكن ربنا كان أدالي ولد وانحرف، البنت النهاردة برقبة كذا ولد، وأنا لو رجع بيا الزمن كنت هختار شيماء اللي جابها ربنا”.

وقالت ”عيد” أن الله تعالى راضٍ عنها، والدليل على ذلك أنه لبى لها كل مطالبها، كذلك هي تحب كل الناس وتتمنى الخير للجميع، وذلك من أجل التقرب إلى الله.

أردفت: ”كون الناس تحبني حب إلهي، ده يساوي الدنيا وما فيها، وعايزه أقول عن ربنا إن اللي أدهالولي أكتر من اللي كنت طلباه بكتير، مفيش حاجة ربنا حرمني منها، سبحان الله كنت بدعي الدعوة بليل الصبح ألاقي ربنا منفذها، وآخر حاجة طلبتها من ربنا إنه يثبت خطايا وينصرني على مين يعاديني، ويخليلي ولادي وجوزي”.