"رمضان" بعد انتقاد حلقة "مفيش صاحب بيتصاحب": إحنا بقينا عنصريين؟ - E3lam.Com
أعرب الإعلامي خيري رمضان عن استغرابه من ردود الفعل الغاضبة بين متابعي البرنامج على مواقع التواصل الاجتماعي عقب حلقة أمس، بعد استضافته لفريق “شبيك لبيك” صاحب أغنية “مفيش صاحب بيتصاحب“، متسائلاً: “هو احنا بقينا عنصريين؟”.
وتابع “رمضان” خلال تقديمه حلقة اليوم، الجمعة من برنامجه “ممكن” على قناة cbc، قائلاً: “اللي كانوا موجودين امبارح مش مدمنين ولا فشلة، انتوا حصرتوا نفسكوا قدام حلاقة شعرهم وانتقدتوها… ولا انتوا مش عايزين تشوفوا غير الناس اللي لابسين بدل ومرتاحين واللي جايين من الكومباوند… دول جايين من بيوت مكافحة، وانتوا تقييمكوا هنا طبقي مش موضوعي”.
وأضاف متسائلاً: “هى الصدمة جت منين؟، إيه البذاءة اللي انتوا شوفتوها أو التحريض على الفسق اللي انتوا شوفتوه امبارح في الحلقة، ه ده احنا لازم ندور على المبدعين في هذه المناطق الشعبية وندعمهم”.