خالد النبوي: اخترت شخصية بليغ في "راجعين يا هوى" لأنه كان فيلسوف
قال الفنان خالد النبوي، إنه كانت هناك نية مشتركة للتعاون مع أسامة أنور عكاشة قبل وفاته في أكثر من مشروع، لكنها لم تكتمل.
تابع “النبوي” خلال لقائه مع برنامج “كلمة أخيرة” مع الإعلامية لميس الحديدي، عبر شاشة “on“: “قبل أي حاجة الحمد لله على توفيق ربنا سبحانه وتعالى، وشكرا لجمهور عظيم موهوب في تذوق الفن.. النجاح ده نتيجة تعاون فريق كبير جدا أكتر من 200 فرد، وسر من أسرار النجاح ده كمان هو عالم أسامة أنور عكاشة لأن عالمه هو واقع وحياة الناس”.
نرشح لك: فيفي عبده عن مسلسل “شغل في العالي”: ربنا كرمني بحب الناس
أضاف: “فيه حاجة ميعرفهاش غيري أنا وبنات أستاذ أسامة، إن دايما كان فيه مشروع للتعاون بيني وبينه لكن مكانش بيكمل ومحصلش نصيب، وأنا اختارت شخصية بليغ لأنه بسيط لكنه فيلسوف ودي حاجة صعبة أوي”.
أردف: “هو مش توكسيك لكن واضح، اللي عاوزين بقى يقعوا مع التوكسيك دي مش مشكلة بليغ.. وهو كمان إنسان زاهد في كل شيء ماعدا الناس الحلوة”.
مسلسل “راجعين يا هوى” من بطولة خالد النبوى، نور، هنا شيحة، أنوشكا، وفاء عامر، أحمد بدير، إسلام إبراهيم، طارق عبد العزيز، نور خالد النبوي، سلمى أبو ضيف، والمسلسل من تأليف محمد سليمان عبد المالك، وإخراج محمد سلامة.