هل تدخل خالد النبوي في اختيار نجله نور لـ دور "طارق أبو الهنا"؟
قال الفنان خالد النبوي، إنه لم يتدخل في اختيار نجله نور لـ دور “طارق أبو الهنا” في مسلسل “راجعين يا هوى”.
تابع “النبوي” خلال لقائه مع برنامج “كلمة أخيرة” مع الإعلامية لميس الحديدي، عبر شاشة “on“: “أنا كنت مرشح حد تاني ومضى وعملنا بروڤة مع بعض وكنت مبسوط بيه جدا، لأن من الأدوار اللي قلت رأيي فيهم دور طارق ودور ولاء ورشحت اتنين تانيين للدور ومجوش، وكنت مرشح سلمى أبو ضيف في البداية تعمل ياسمين”.
نرشح لك: خالد النبوي: اخترت شخصية بليغ في “راجعين يا هوى” لأنه كان فيلسوف
أضاف: “محمد سلامة لما قالي هناخد سلمى لدور ولاء قولتله شوف لأنها كانت بدأت تزاكر شخصية تانية، وقالي نور النبوي قولتله بص أنا ماليش دعوة لأن لو مكانه وعاوزني في دور قبلها بأيام هعتذر لأن دي ورطة”.
بينما أردف السيناريست محمد سليمان عبد المالك: “نور أنقذنا في المسلسل ده، لأن كان فيه ممثل شاب تاني متعاقد معانا على الدور ده وقبل التصوير بكام يوم، حصل تعارض في المواعيد مع عمل تاني يعمله.. بس معرفناش ننسق لأن دوره كبير، وهو جه إنقاذا للموقف وزاكر وحضر في يومين تلاتة”.
مسلسل “راجعين يا هوى” من بطولة خالد النبوى، نور، هنا شيحة، أنوشكا، وفاء عامر، أحمد بدير، إسلام إبراهيم، طارق عبد العزيز، نور خالد النبوي، سلمى أبو ضيف، والمسلسل من تأليف محمد سليمان عبد المالك، وإخراج محمد سلامة.