إسلام إبراهيم: المخرج محمد سلامة غيرلي جلدي في "راجعين يا هوى"
محمد هيثم
إسلام إبراهيم
قال الفنان إسلام إبراهيم، إن المخرج محمد سلامة قام بتغيير جلده في مسلسل “راجعين يا هوى”، وذلك باختياره لتجسيد دورا مختلفا تماما عن ما يقدمه في العادة.
تابع “إبراهيم” خلال لقائه في برنامج “كلمة أخيرة” المذاع على قناة “ON” وتقدمه الإعلامية لميس الحديدي، أن الفضل في ظهوره بشخصية “رؤوف” بهذا الشكل يرجع إلى المخرج محمد سلامة، موضحًا أنه مخرج موهوب جدا، لافتا: “الفضل يرجع لأستاذ سلامة.. والمخرج الموهوب هو اللي بيطلع وجه جديد محدش شافه قبل كده أو بيجيب حد عمل حاجات قبل كده ويغير له جلده”.
نرشح لك: خالد النبوي: اخترت شخصية بليغ في “راجعين يا هوى” لأنه كان فيلسوف
أضاف: “أنا في المسلسل هنا حقيقي أستاذ سلامة غير لي جلدي، وأول ما مسكت الدور قلت له إحنا هنلعبه منين بقى ممكن يتلعب بـ 60 طريقة، بس رؤوف مكتوب دمه خفيف يعني تصرفاته تضحك مفيش حد بياخد قسط شاليه 4 مرات في اليوم دي مينفعش تتعمل غير كوميك”.
من جانبه أوضح المخرج محمد سلامة:” كان عندنا تخوف أنا ومحمد سليمان في الأول أن الشخصيات متطلعش شبه العالم بتاع أستاذ أسامة أنور عكاشة، فرجعنا لأعمال أستاذ أسامة فكان في أرابيسك قلت له بص رؤوف ده هو زوج اخته الشرير الدور اللي كان عامله المنتصر بالله هو الأقرب للشخصية دي، وبدأ بناء الشخصية من هنا، وإسلام ضاف عليها كتير جدا”.
مسلسل “راجعين يا هوى” من بطولة خالد النبوى، نور، هنا شيحة، أنوشكا، وفاء عامر، أحمد بدير، إسلام إبراهيم، طارق عبد العزيز، نور خالد النبوي، سلمى أبو ضيف، والمسلسل من تأليف محمد سليمان عبد المالك، وإخراج محمد سلامة.