خالد الصاوي: عندي مخزون من الذكريات المباشرة مع الإخوان

قال الفنان خالد الصاوي، إن لديه مخزون من الذكريات المباشرة مع الإخوان، كان يجب أن يتنحى عنه لتقديم شخصية خيرت الشاطر.

تابع خلال لقائه مع برنامج “بيت للكل”: “أنا عاصرت أحداث الفترة دي وكنت مندمج معاها، عشان كده بعتبر إن ليا الشرف إني عملت شخصيات تاريخية كتيرة عايشة، لكن في الاختيار الفرق إن الناس مش بتتفرج والمشاعر مش صافية، ممكن يكون واحد بيتفرج وواخد طوبة في دماغه قبل كده في الأحداث دي.. أنا عندي مخزون من الذكريات المباشرة مع الإخوان وعشان كده أول حاجة كان لازم أعملها إني أنحي ده على جمب”.

أضاف: “شوفت كام لقاء طويل لخيرت الشاطر لما كان ناوي يترشح لرئاسة الجمهورية وكان فيه منهم لقاء كأنه بيقدم الـcv بتاعه، وكمان مجموعة من الصور الفوتوغرافية لأنها بتدي انطباع عن الشخصية”.

مسلسل “الاختيار 3” بطولة الفنان ياسر جلال، الفنان أحمد السقا والفنان كريم عبد العزيز، والفنان أحمد عز، من إخراج بيتر ميمي، وسيناريو هاني سرحان، وإنتاج سينرجي.

تدور أحداث المسلسل في الفترة الحالية، ويتحدث عن بطولات رجال الشرطة والجيش المصري والمخابرات الوطنية والعسكرية، في الفترة من ثورة 30 يونيو وما تلاها، ومأخوذ من أحداث حقيقية.