بسبب أغنية "من أول دقيقة".. شريهان تشيد بـ رامي جمال

أشادت الفنانة شريهان، بألحان الفنان رامي جمال لأغنية “من أول دقيقة”، التي تعاونت فيها إليسا مع سعد لمجرد.

كتبت شريهان عبر حسابها عبر موقع التدوينات القصيرة “تويتر“: رامي.. حتى الألحان بعضها صادق وبعضها كاذب. وأنت يا رامي أكثر من صادق. أنا كـ مستمع حاسة وشايفة وسامعة، حب وتعب وسهر واجتهاد وتحضير قبل التنفيذ وثقة بالنفس وعدم غرور وكيميا فوصلتوا للقلب أسرع من البرق. أكرر إبداع تاريخي مش حالة وتعدي”.

نرشح لك: تعليق رامي جمال على تلحينه “من أول دقيقة” لـ إليسا وسعد لمجرد

في سياق متصل، علق المطرب رامي جمال على تلحينه أغنية “من أول دقيقة”، لكل من المطربة إليسا والمطرب سعد لمجرد، والتي صدرت الأربعاء.

نشر جمال على حسابه عبر إنستجرام مقطع من الأغنية، وعلق كاتبا: “من اول دقيقه اغنيه جديده لاتنين مطربين اصدقاء بحبهم.. علشان كده لحنتها، لكل اللي بيحبو بعض اسمعوها حاليا علي اليوتيوب”.
أغنية “من أول دقيقة” من كلمات أمير طعيمة وألحان رامي جمال وتوزيع أحمد إبراهيم. والأغنية باللهجة المصرية.

شريهان

وجاءت كلمات أغنية من أول دقيقة كالتالي:

بغير من عيني وأنا شايفك وده اللي وصلت ليه
لو اسمع اسمي بشفايفـك بقولك كرريه
وعمري ما هقدر اوصفلك بحبك قـد ايه
إرسمني في ليلك نجمة ضيها يلمع في العين
إكتبني في عمرك كلمة يحكوها الناس بعدين
انا نفسي اعيش فوق عمري يا حبيبي معاك عمرين
لو تطلبي مني عينيا لو تطلبي عمري كمان
هديكي سنيني الجيا وهكون راضي وفرحان
انتي اللي وجودك جنبي حسسني ان انا انسان
ده من اول دقيقة لحبك قلبي مال..
عرفت بميت طريقة أغير حال بحال
بتوه بين الحقيقة يا عمري والخيال
ده من اول دقيقة لحبك قلبي مال..
عرفتي بميت طريقة تغيري حال بحال
بتوه بين الحقيقة يا عمري والخيال
أنا عايزاك تفضل جنبي سندي وفارس أحلامي
قلبي في قربك متطمن خليك دايما ادامي
ده انا قبل ما بنطق كلمة بتكمل ليا كلامي
ده وجـودك بيكملني خليتي حياتي حياة
إحساسي بحبك خدني وانا هفضل ماشـي وراه
حضنك يا حبيبتي لا يمكن لو ثانية أعيش بـراه
فيه واحدة تمللي في ضهرك و في ضعفـــك هتقويك
تؤمرها حبيبي وأمرك هتقول شبيك لبيك
جنبك ولآخرعمرك هتعيش علشان ترضيك
ده من اول دقيقة لحبك قلبي مال..
عرفت بميت طريقة أغير حال بحال
بتوه بين الحقيقة يا عمري والخيال
ده من اول دقيقة لحبك قلبي مال..
عرفتي بميت طريقة تغيري حال بحال

أغنية من أول دقيقة إليسا تويتر رئيسية رامي جمال سعد لمجرد شريهان شريهان تشيد برامي جمال من أول دقيقة