مجدي الهواري لـ محمد صلاح: إحنا بنشجع كورة قبل ما أنت تتولد
وجه المخرج مجدي الهواري رسالة لمحمد صلاح لاعب فريق ليفربول الإنجليزي، مطالبا إياه بضرورة حسم موقفه من الاستمرار في ليفربول أو الانتقال لفريق آخر.
أوضح الهواري أنا ما يفعله محمد صلاح يجعله في خطر وليس في صالحه، كاتبا: “إلى محمد صلاح أنت في خطر.. لو الجمهور اللي عملك أغاني باسمك قلب الترابيزة عليك هيرموك بالبيض.. هيروح منك كل حاجة دوري وأبطال أوروبا حتى لقب الهداف.. أنت حولت الدوري الانجليزي إلى بورصة مش كورة، وده في صالح المنافسين”.
نرشح لك: عصام الحضري: محمد صلاح عمره ما قصر مع المنتخب
تابع: “احسم وخذ قرارك وبلاش هيصة كتير كده، مفيش حد من أساطير الكورة في العالم فضل كل ده هري في المفاوضات عشان ياخد قرار.. امشي / اقعد اعمل اللي أنت شايفه.. بس خد قرار، بلاش تحول تاريخك إلى صفقة ممكن تكسب وممكن تخسر بلاش اللي حواليك يخلوك محدث نعمة.. لو أنت نجم عالمي إحنا بنشجع كورة عالمية قبل ما أنت تتولد”.
على صعيد آخر، خاض مجدي الهواري موسم رمضان 2022 بمسلسل “دايما عامر”، من بطولة مصطفى شعبان، لبلبة، عمرو عبد الجليل، ميرنا نور الدين، نضال الشافعي، صلاح عبد الله، محمد ثروت، كريم عفيفي، محمد محمود، أحمد الشامي، سما إبراهيم، أمل رزق، لمى كتكت، أحمد عنان وعدد آخر من الفنانين الشباب.