11 تصريحا لـ كريم فهمي.. أبرزها عن التعاون مع هنا الزاهد ومحمد سلام
رد الفنان كريم فهمي على أسئلة الجمهور عبر حسابه على إنستجرام، سواء المتعلقة بحياته الشخصية ومواقفه وانتماءاته الرياضية، أو المتعلقة بأعماله الفنية وزملائه من الوسط الفني.
نستعرض فيما يلي أبرز إجابات كريم فهمي على الجمهور.
1- لم أنزعج من وجود اسمي بعد اسم ياسمين عبد العزيز في مسلسل “ونحب تاني ليه”.. “ده أمر طبيعي أي حد يشتغل مع ياسمين عبد العزيز يتكتب بعدها حتى لو عمل ألف بطولة.. فيه أصول يا باشا”.
2- يسعدني التعاون الفني مع هنا الزاهد.. “هنا نجمة وإضافة لأي عمل بس هنشتغل سوا لما الظروف تناسب. وعموما هي كانت هتعمل ديدو لولا ظروف جوازها من أحمد”.
3- الكوميديا قوية في الجيل الحالي.. “كل ممثلين الجيل الحالي جامدين في الكوميديا بس لو هختار حد من اللي مشتغلتش معاهم يبقى محمد سلام”.
نرشح لك: كريم فهمي: مفيش راجل عينه مش زايغة
4- سر حبي للأهلي إني كنت بروح النادي وأنا في بطن أمي حرفيا.
5- معنديش حاجة أقولها على اللي جمهور السنغال عمله فينا، جمهور عايز فرقته تكسب، إحنا اللي لازم ننشف شوية وجمهورنا اللي بجد يرجع المدرجات.
6- رأيي في التيك توك إنه فخ للمثلين اللي دمهم تقيل ولذيذ للي دمهم خفيف.
7- أحلى كواليس مسلسل عملته هو “أزمة منتصف العمر” كانت كواليسه حلوة أوي.
8- هاني خليفة مخرج بتشرف وبختلف لما بشتغل معاه وأتمنى اشتغل معاه ثالث ورابع.
9- أكتفي بتقديم عمل أو اثنين في السنة بسبب صعوبة وجود سيناريوهات جديدة.. “بضطر أنا اللي اكتب فباخد وقت”.
10- صبا مبارك ممثلة من العيار الثقيل.. “بنفكر في عاصم وأحلام إيه رأيكم”.
11- متحمس لعمل جزء ثاني من فيلم “ديدو” لأنه نجح جدا وفي نفس الوقت تجربة جديدة في السينما في مصر.. “وغير كده مطلوب من العائلات والأطفال جزء تاني”.