بسبب تخزين الثوم.. حريق في مطبخ هبة الأباصيري
نشرت الإعلامية هبة الأباصيري صورة لشباك مطبخها عقب تعرضه لحريق نشب من صندوق تخزين الثوم المعلق بالخارج.
علقت “الأباصيري” على الواقعة قائلة: “الحمد لله اللطيف الستار.. اتفاجئنا بمنظر حريق ونار طايرة ماسكة في شباك المطبخ و الحائط من بره و مواسير المياه!!”، مضيفة: “لا في أثر لعقب سيجارة اترمي ولا في اي حد اصلا دخل المكان ده ولا في اي منفذ حتي لجيران يرموا في المكان ده اي حاجة ولا الجو حر نار للدرجة دي!!.
نرشح لك: أبو الهول غمض عينه.. خبير الآثار علي أبو دشيش يكشف حقيقة الصور المتداولة
تابعت: “والنار طالعة من جوة صندوق كرتون فيه خزين التوم !! و دي اول مرة في حياتي اصلاً اخزن توم !! الله يسامح الست “ز” اللي بتساعدني هي اللي اقنعتني اخزن توم (نفس الست الطيبة اللي قالتلي و انا عندي كورونا “احطلك نعناع عالشاي ليه ، ما خسارة طالما انتي كده كده مش هتستطعمي”).
أردفت مازحة: “أنا لسه فاكراهالك يا “ز” بس مسامحاكي”، وختمت حديثها: “اللهم لك الحمد يا لطيف يا ستار.. راضية جدا جدا جدا يا ربي”.