قراءة آيات قرآنية.. طقوس فؤاد المهندس قبل رفع الستار
تحدث محمد فؤاد المهندس، نجل الفنان فؤاد المهندس، عن طقوس والده الراحل قبل الصعود على المسرح في أي مسرحية من مسرحياته.
قال “محمد” خلال لقائه مع برنامج “مساء dmc” مع الإعلامية إنچي القاضي، المذاع عبر شاشة “dmc”: “المسرحية كانت بتبتدي الساعة 10، هو من 7 كان بيبقى هناك عشان يشوف هو هيعمل إيه ويشوف الجمهور والتذاكر اللي اتقطعت إيه، لحد ما يلبس الشخصية اللي هيمثلها وهو بيلبس، وبعدها يروح يتطمن هل كل الممثلين موجودين ولا لا”.
نرشح لك: نجل فؤاد المهندس عن والده: كان فيه تواصل أرواح بيننا
أضاف: “وبعدين بيبتدي الوقت اللي مينفعش حد يكلمه فيه من قبل المسرحية بربع ساعة، وأنا كنت بفضل ماشي وراه.. وهو يدخل ورا الستارة 10 دقايق يقرأ قرآن، وكان يعصبه أوي لو حد اتأخر أو سألتيه سؤال بايخ وهو داخل المسرح”.
كما أوضح أنه أنه كان يحب والده جدا، وكان متعلق جدا به خصوصا عندما كبر وتخطى سن الصغر، مشيرا: ”حافظ كل حاجة ما عدا طبعا الحتت اللي كنت فيها صغير بس لما كبرت حفظت هو بيعمل أيه، هو عايش إزاي، هو لما بيمثل بيعمل أيه، حافظ كل حاجة لأني كنت عايش معه”.