ريهام الشنواني: شاركت في "دايما عامر" بسبب لبلبة
قالت الفنانة الصاعدة ريهام الشنواني، إنها استمتعت بالعمل مع الفنانة الكبيرة لبلبة والفنان مصطفى شعبان، خلال مسلسل “دايما عامر”.
تابعت “ريهام” خلال لايف عبر “إنستجرام” مع “إعلام دوت كوم“،حاورتها خلاله مروة طلعت: “في كواليس دايما عامر، كنت دايما لو بنصور مثلا في معبد فيلة يلاقوني لوحدي كده بتصور أو راكبة مركب في النيل، وبتفسح وماشية مع نفسي.. الكواليس بصراحة كانت حلوة جدا وأنا اتبسطت، وراجعة مبسوطة ومرتاحة نفسيا”.
نرشح لك: 10 تصريحات لـ ريهام الشنواني عن دورها في “راجعين يا هوى”
أضافت: “أستاذ مصطفى شعبان متواضع جدا، وأول ما بيدخل التصوير بيسلم رغم إني كنت في الأول خايفة من الموضوع شوية، كان يقولي مبتضحكيش ليه ويكلمني عشان يخليني أفك”.
أردفت: “السبب اللي أنا عشانه بقيت في دايما عامر أصلا، إني هلعب دور مساعدة أستاذة لبلبة.. لأن ده بالنسبالي حاجة كبيرة أوي، كنت خايفة في الأول مناخدش على بعض، بس بقيت أروح أسأل عليها وتسأل عليا، لحد ما بقينا فعلا قريبين من بعض في التصوير”.
View this post on Instagram
يشار إلى أن الفنانة الصاعدة ريهام الشنواني، شاركت مؤخرا في مسلسل “راجعين يا هوى”، والذي يشارك بطولته خالد النبوي ونور ووفاء عامر وأحمد بدير وإسلام إبراهيم، ويخرجه محمد سلامة، وسيناريو وحوار محمد سليمان عبد المالك.
كما شاركت أيضا في مسلسل “دايما عامر” بطولة مصطفى شعبان، ولبلبة، وأحمد الشامي، وعمرو عبد الجليل، ونضال الشافعي، وصلاح عبد الله، ومحمد ثروت، وكريم عفيفي، ومحمد محمود، وسما إبراهيم، وأمل رزق، وميرنا نور الدين، ولمى كتكت، وأحمد عنان وعدد آخر من الفنانين الشباب، ومن تأليف أيمن سليم ومايكل عادل وتحت إشراف المؤلف أحمد عبد الفتاح وإخراج مجدي الهواري، وإنتاج كامل أبو علي.