أحمد زاهر يرد على شائعات ارتباط ابنته ليلى
محمد هيثم
قال الفنان أحمد زاهر، إن قضية مسلسل “سوشیال” هي قضية العصر، موضحًا أن الفيديوهات أصبحت من الممكن تزييفها، وليس الصور فقط، فالأمر أصبح مقززا.
أضاف زاهر خلال حواره في “MBC TRENDING” المذاع على قناة “MBC 4”: “تجربة حسيتها وحسيت أني محتاج أقدم القضية دي، وناس كتير شافت المسلسل، وكل اللي شافوه أعجبوا بيه لكنه اتظلم في توقيت عرضه”.
نرشح لك: ملك زاهر عن دورها في فيلم “فارس”: “شخصية عادية”
أما عن رده على شائعات خطوبة ابنته “ليلى” قال “زاهر”: “الموضوع يضحك، ياريتهم قالوا كلمة عيب مثلا، دا قالوا خطوبة، هي لو خطوبة هل ده عيب أو حرام؟ وإيه اللي مش هيخليني أقول للناس دا بنتي اتخطبت وأفرح، وتبقى خطوبة علني لو في حاجة أكيد هقولها”.
أوضح: “مفيش طبعا الكلام ده خالص، وفي أسماء بتتقال أقسم بالله ما نعرفهم، ليلى مركزة في شغلها وفي دراستها في كلية إعلام، ومش مركزة في أي حاجة من اللي بتتقال دي، ومش كل حد أتصور صورة في فرح أو في تصوير أفيش فيلم، يبقى في علاقة، دا كده محدش هيتصور مع حد بعد كده”.
يذكر أن مسلسل “سوشیال” بطولة أحمد زاهر، ميرنا نور الدين، جورج أشرف، تامر فرج، كريم سرور، جيهان خليل، وئام مجدي، عابد عناني، إسلام حافظ، جنا صلاح، أحمد سعيد، فرح الزاهد، أحمد فؤاد سليم، عبد العزيز مخيون، إياد أمين، شاهين، لبنى ونس، ياسمين سمير، وتأليف محمد جلال، وإخراج روؤف عبد العزيز .