أحمد حلمي: لا ألتفت للنقد غير المبرر

قال الفنان أحمد حلمي، إنه لا يلتفت للنقد الغير مبرر لأنه يريد التركيز في أعماله، لكنه مع ذلك لا يصدق بنظرية المؤامرة التي يبرر بها البعض هذا النوع من النقد.

تابع “حلمي” خلال لقائه مع برنامج “the insider بالعربي” : “الانتقادات اللي وراها حب ومصلحة، بفهمها كويس أوي لأن بتعامل معاها كنصيحة ومباخدوش على صدري وابتدي أعلق على شماعات تانية، ولكن في نقد زي لما واحد ابنه يتوه في مول وأول ما يشوفه يديله بالقلم على وشه.. مع إنه المفروض يسجد ويحضنه لأنه كان ضايع، ده ترجمة الحب الغلط.. والنوع ده كمان من النقد أنا بفهمه”.

نرشح لك: أنور الكموني يمثل الرياضة والصحة المصرية في مهرجان كان السينمائي

أضاف: “وفيه نقد بدون مبرر وده أنا لا ألتفت ليه، ومبتأثرش بيه ولا ببصله خالص.. بس بلتمس العذر للناس عشان أنا ضد نظرية المؤامرة، لأني لو ركزت معاه مش هركز في شغلي.. وأنا عاوز أشتغل”.

يشار إلى أن آخر أعمال أحمد حلمي، فيلم “واحد تاني” من بطولته مع روبي، نسرين أمين، عمرو عبد الجليل، سيد رجب، أحمد مالك، نور إيهاب، ومشاركة عدد من ضيوف الشرف منهم عمرو وهبة، ومن من تأليف هيثم دبور، وإخراج محمد شاكر خضير، وإنتاج شركة سينرجي فيلمز، وماجيك بين وأفلام مصر العالمية وأوسكار.

وتدور أحداث الفيلم حول موظف يعمل أخصائي اجتماعي في مصلحة السجون، حيث يجري مقابلات مع المساجين ويكتب تقارير عن حالتهم النفسية، وفي السجن يقابل أحد زملاء دراسته القدامي ويكتشف أنه أصبح رجل أعمال ناجح، وعقب خروجه يدعوه لحفل يجمع زملاءهم القدامي ليكتشف الموظف أنه أفشل زملاء جيله ويعيد التفكير في حياته مجددا.