شريف مدكور: متجوزتش عشان مش قد المسؤولية
كشف الإعلامي شريف مدكور سبب رفضه للزواج حتى الآن، رغم أنه خطب 3 مرات، لكنها جميعا لم تكلل بالزواج في النهاية.
أوضح شريف خلال برنامجه “شارع شريف” على قناة الحياة، أنه لم يتزوج حتى الآن لأنه غير قادر على تحمل مسؤولية الزواج، قائلا: “أنا متجوزتش لحد دلوقت عشان أنا مش قد المسؤولية دي.. آه معايا فلوس بس الفلوس مش كل حاجة.. أنا معنديش خُلق أصحى كل يوم ألاقي زوجة في وشي.. وعيال رضع ودوشة وتربية لما يكبروا ووو”.
نرشح لك: سبب زيادة أسعار المحمول في مصر 60% عن الخارج
تابع: “أنا بحب أصحى وأنام في هدوء ومحدش يغير لي نظامي، أنا خطبت 3 مرات وكل واحد راح لحاله وكنت دايما بدعي ربنا يرزقهم بناس أحسن مني.. لذلك بقولكم اللي مش قد الحاجة ميعملهاش”.
أضاف شريف مدكور: “جايز لو أنا كنت عايش في اوروبا كنت اتجوزت لأن هناك الجواز مش مبني على الأسس المادية.. بيبقى شركة بجد وفيه توازن.. لذلك هناك معندهمش طلاق غير قليل اوي”.