ميدو عادل: لو رجع بيا الزمن مش هتجوز
قال الفنان ميدو عادل، إنه يرى أن خطوة زواجه في سن صغير كانت خاطئة، ولو عاد به الزمن لن يقبل على هذه الخطوة.
تابع “ميدو” خلال لقائه مع برنامج “الستات مايعرفوش يكدبوا” مساء اليوم الأربعاء، المذاع عبر شاشة “cbc”: “أكتر حاجة الواحد بيندم عليها هي الجواز، الجواز أصعب حاجة الناس بتمر بيها في حياتها.. عشان إحنا معندناش الوعي إننا نربي عيالنا من وهما صغيرين إن سيكولوچية الجواز دي مش حاجة سهلة، سحر مراتي كانت زميلتي في المعهد واتجوزنا عن قصة حب.. بس الجواز مش اتنين بيحبوا بعض بس”.
نرشح لك: ميدو عادل: البساطة سر نجاح “أبو العروسة”
أضاف: “الجواز تفاصيله كتيرة جدا، ومسئولية أكبر من أي حاجة.. وعشان كده بقى عندنا نسبة طلاق عالية، وده مش عشان الحب.. ده عشان المسئولية، أنا لو رجع بيا الزمن مش هتجوز أصلا”.
أردف: “الجواز للأسف بيضر الست أكتر من الراجل في مجتمعنا، لأن أنا مثلا مراتي ماتت معاها أحلام كتير في زحمة الولاد، عشان كده دلوقت بأجل في جواز أختي الصغيرة رغم إنها مخطوبة بقالها كتير، بس أنا عاوزها تحقق نفسها وتعرفها كويس وبعدين تتجوز”.
View this post on Instagram
وقد شارك الفنان محمد عادل في الموسم الرمضاني 2022، من خلال مسلسل “انحراف” ومسلسل “العائدون”.
مسلسل ”العائدون” يستعرض أحد ملفات المخابرات المصرية، ومستوحى من أحداث حقيقية حدثت في الفترة من 2018 وحتى 2020، مستعرضا عددا من العمليات السرية التي تهدف إلى كشف المؤامرات والمخططات الإرهابية التي تسعى إلى تقسيم المنطقة العربية ونشر ثقافة وفكر الإرهاب.
المسلسل تم عرضه حصريا على قناة “dmc” ومنصة “watch it” وهو بطولة أمير كرارة، أمينة خليل، محمود عبد المغنى، محمد الأحمد، رشا بلال، ميدو عادل، إسلام جمال، نبيل عيسى، جيهان خليل، محمد عز، وهاجر الشرنوبى، وصبرى عبد المنعم، وعدد كبير من ضيوف شرف، منهم محمد ممدوح، محمد فراج، تأليف باهر دويدار، وإخراج أحمد نادر جلال.