الرئيس "السيسي": قلة الموارد ليست عائقا أمام تحقيق الأهداف

أكد الرئيس عبد الفتاح السيسي، على أن قلة الموارد ليست عائقا أمام تحقيق الأهداف والتنمية.

قال الرئيس “السيسي” في كلمته خلال المؤتمر الطبي الأفريقي الأول: “اوعوا تتصوروا إن قلة الموارد ممكن تبقى عائق أمام تحقيق الأهداف.. صحيح أي هدف بيبقى محتاج موازنات وأموال وحاجات كتير، لكن صدقوني لما اتكلمنا افتكر إني جبت شركات الأدوية الأمريكية واحنا هناك بنتحدث معهم إنهم يساهموا معانا في توفير علاج فيروس سي بتكلفة مالية نقدر ننفق عليها لملايين من المصابين في مصر ورغم إن الدواء ساعتها كان بـ 10 آلاف دولار لكن احنا تحصلنا عليه بتكلفة أقل من كده وده أمر مشكور ليهم”.

نرشح لك: محمد عوض تاج الدين: 95 % من مرضى الملاريا في العالم موجودين في أفريقيا

تابع: “في مصر وأنا على المستوى الشخصي كنت شايف إن مرض فيروس سي ده مؤلم جدا وكنا بنعاني منه، وزي ما اتقال لو فيه إرادة وأمل هيبقى فيه إنجاز.. زمان كنت بقول هو محدش قادر يكتشف علاج له؟، كان دايما ده هاجس وأمر بفكر فيه بعمق، فربنا سبحانه وتعالى خلاني أعيش وأشوف علاجه وأساهم مع أبناء بلدي في إني أنهي هذا المرض في مصر”.