عمرو أديب عن أزمة "الشوربجي": لم يخطيء

شروق عبد الحميد

علق الإعلامي عمرو أديب، على اختيار بطل الإسكواش محمد الشوربجي تمثيل إنجلترا بدلا من مصر في البطولات الدولية.

قال “أديب” خلال برنامج”الحكاية“، المذاع على قناة “mbc مصر”: “أنا مش شايف إن الراجل عمل حاجة غلط، هو قضى نص حياته في إنجلترا، إعدادي، ثانوي وجامعة، أنت كنت بتستدعيه يلعب باسم مصر، لكن هو تربيته، أكله وتدريبه كل حاجة كانت في إنجلترا”.

نرشح لك: لميس الحديدي عن قرار لعب “الشوربجي” لـ إنجلترا: علينا النظر بموضوعية

أضاف: “الراجل دفع التمن، وأعاد لمصر حقوق الجنسية اللي في رقبته وحقق بطولات دولية، قالبين على الراجل ليه؟ ربنا معاه.. أنت هتلعبه غصب عنه؟”.

أردف: “لو عاوز الحق انت ما عملتلوش حاجة تذكر خالص، وأنا علشان ألعب وأدي لازم أكون حاسس إنه بلعب لحد قدرني، زعلانين ليه وأنتم عندكم أطباء ومهندسين وعلماء، بيسافروا بره وياخدوا الجنسية ولا حد بيقولهم حاجة”.

في نفس السياق، علق عاصم خليفة، رئيس الاتحاد المصري للإسكواش، على اختيار بطل الإسكواش محمد الشوربجي تمثيل إنجلترا بدلا من مصر في البطولات الدولية، وأنه كان معتمدا على نفسه فيما وصل له.

وقال “خليفة”، خلال اتصال هاتفي مع الإعلامي سيد علي ببرنامج “حضرة المواطن” المذاع عبر فضائية “الحدث اليوم”، إن محمد الشوربجي يبلغ من العمر 31 عاما، وغادر مصر إلى إنجلترا وعمره 14 عاما، مضيفا أن الشوربجي تعلم الإسكواش في مصر وتدرب عليه في مصر.

وأضاف: “محمد ابني ومقدرش أجرح فيه، وهو عايز يعيش خارج مصر، واتخذ قرار يعيش في إنجلترا”.

وتابع: “مش هحاسبه على كلامه إلا لو هطلع المستندات وأقول استفاد من مصر إزاي، ولكنه ناكر لهذا”، مشيرا إلى أن محمد شاب مجتهد وموهوب وله اختياراته، وله شقيق آخر يدعى مروان ويرغب أن يعيش في مصر.