ردا على تصريحات شريف دسوقي "ده مش مسرح".. أشرف عبد الباقي: رأيك فوق راسي
علق الفنان أشرف عبد الباقي على تصريحات الفنان شريف دسوقي، حيث قال عن المسرح الذي يقدمه “عبد الباقي”: “المسرح اللي بتعمله ده مش مسرح أصلًا.. ده هزار”
قال “عبد الباقي” خلال لقائه مع برنامج “the Insider بالعربي” المذاع على شاشة دبي، إنه يحب شريف دسوقي ولا يريد الدخول في خلافات، مضيفا أنه يحب “دسوقي”.
View this post on Instagram
تابع أنه يتمنى له تجاوز المرحلة الصعبة التي مر بها، قائلا: “واللي يقوله أنا قابله، لكن طبعا بتمنى إن مش بس شريف لو أي فنان تاني شايف إن الطريقة اللي أنا عملتها على مدى 10 سنين وعملت من خلالها 130 مسرحية في مسرح مصر، 20 مسرحية في مسرح السعودية، مسرح عرايس، أطفال، مسرحية كنت واخدها حقوق من لندن اللي هي مسرحية كلها غلط، وشمسية وأربع كراسي”.
نرشح لك: رد على اتهام “ونيس” بالتنمر.. أبرز تصريحات محمد صبحي على “تويتر سبيس”
استكمل: “عملت عدة تجارب بعيدا عن مسرح مصر، كنت أتمنى إن أي فنان ليه وجهة نظر مختلفة عن المسرح فيه مسارح كتير في مصر مقفولة”.
أكد أنه لم يتواصل مع شريف دسوقي وأنه لم ينزعج، قائلا: “اللي يقوله حلو، اللي يقول بدل ما يقول يعمل، يعني أنا ممثل وشوفت نوعية مسرح معجبتنيش طيب ما فيه مسرح تاني فاضي ومقفول طيب ما اروح افتحه واعمل النوعية اللي أنا شايف إنها هتبقى كويسة، ده هيفدني أكتر من إن إحنا على السوشيال ميديا نختلف، وأنا عمري ما هختلف لا معاه ولا مع غيره، رأيك يحترم وفوق راسي وربنا يديك الصحة”.
يذكر أن شريف دسوقي قال مع برنامج “سابع سما” الذي تقدمه الإعلامية راغدة شلهوب، على قناة النهار: “أشرف عبد الباقي في مسرح مصر أخد من المسرح المصري كتير.. وفيه شواهد كتير بتقول كده”.
تابع: “مفيش في الدنيا عرض بيطلع خلال أسبوع أو 4 أيام.. ومفيش في الدنيا إن ممثل يدخل على المسرح يقعد يهزر مع زميله.. وبعدين يطلع ويخش اتنين تانيين يقعدوا يهزروا مع بعض وهكذا.. وفي الآخر نقول ده عرض مسرحي”.
استكمل: “اللي بيعمله ده اسمه اسكتشات مش مسرح.. كل الأساتذة اللي درسولنا المسرح طلعوا قالولنا كده”.