رسائل سمية الخشاب لطلاب الثانوية العامة والجامعات

رسائل سمية الخشاب
وجهت الفنانة سمية الخشاب، كما اعتادها الجمهور في الفترة الأخيرة، عدة رسائل تشجيعية للطلاب بمناسبة حلول موسم الامتحانات.

وجاءت الرسائل التي كتبتها عبر حسابها على موقع “تويتر” كالآتي:

نرشح لك: نصيحة سمية الخشاب للتعامل مع المتنمر

1- رسالتها لطلاب الثانوية العامة

حبايبي اللي في ثانوية عامة.. محدش يجي على نفسه خالص، صحتكم بالدنيا ومش نهاية العالم ومتخلوش أي حد يأثر بالسلب عليكم، وتقدروا تثبتوا نفسكوا فأي مجال أو كلية مش شرط المسمى القديم بتاع كليات القمة ده مفيش قمة، اللي هيشتغل ويحب اللي بيعمله هيبقى في القمة.. اعملوا بس اللي عليكم وبلاش مقارنات خالص، كل إنسان له مجاله اللي هيقدر يبدع فيه، بلاش كلنا نتارجت حاجة معندناش شغف ليها وبالتالي نعيش تعبانين باقي حياتنا.

2- رسالتها لطلاب هندسة

لحبايبي اللي في هندسة.. أنا مش ملمة بهندسة أوي، بس ذاكروا ماشيينز كويس عشان عارفة إنها أصعب من كلمة “بشمهندس”.

3- رسالتها لطلاب صيدلة

حبايبي بتوع صيدلة.. احفظوا الكلام بحاجات مشابهة يعني مثلا تحليل ELISA ده افتكروا ملكة الإحساس، والـ CBC مثلا ممكن سفره وممكن العادية، والـ DHEA افتكروا سكينة وهي بتقول روح جاتك داهية.

4- رسالتها لطلاب حقوق

حبايبي اللي في حقوق.. القانون المدني والقانون الدولي دول احفظوهم كويس عشان بيلخبطوا، تاريخ القانون المصري مش صعب أوي، هو وسكاشن مدني هتعرفوا تسلكوا فيهم وبدعي لكم.. بحبكم أوي إنتوا المستقبل وواثقة فيكم لأنكم جيل واعي وفخورة بيكم في كل الحالات وهفرح لكم أيا كان النتيجة ايه، شدوا حيلكم.

5- رسالتها لكل الطلاب

أنا لو مسكت التعليم هلغي لكم الفاينلز دي، وهخلي النجاح كله بأعمال السنة عشان عايزاكم فريش كده.

يشار إلى أن آخر عمل شاركت فيه سمية الخشاب هو مسلسل “موسى”.

مسلسل “موسى” من بطولة محمد رمضان، وسيد رجب، وعبير صبري، ورياض الخولي، وهبة مجدي، وتارا عماد، وصبري فواز، وحمدي الوزير، ومنذر رياحنة، وفريدة سيف النصر، وآخرين، وهو من تأليف ناصر عبد الرحمن، ومن إخراج محمد سلامة، وإنتاج شركة سينرجي.

كما طرحت سمية الخشاب فيديو كليب “أوعدك”، بمشاركة المطرب عمر كمال، عبر موقع “يوتيوب”.