مدحت العدل يرثي "سامي" بـ"نمرة ع التليفون صاحبها مش موجود" - E3lam.Com
نشرت الصفحة الرسمية لـ”العدل جروب”، على موقع التواصل الاجتماعي “فيسبوك”، قصيدة جديدة للكاتب والشاعر مدحت العدل، رثى فيها شقيقه الفنان الراحل سامي العدل، بعنوان “نمرة تليفون”.
وتقول القصيدة :
نمرة ع التليفون صاحبها مش موجود
هو ف لحظة اختفى وهي ليها وجود
كل ما أقول أمسحها إيديا تخذلني
مكتوبلنا نفترق وبينا خيط مشدود
…
علمني أكون طيب مهما الصحاب خانوا
وكل شيء هين والشرفا بيبانوا
وهو كان السهل ف صعوبة الدنيا
وكان كمان الحياة والكون و ألوانه
…
الصوت اللي كان عالي أجش خلاص
ساكت كما الحزن النبيل للناس
والرهبة مالية المكان بالموت
إحساس مايتوصفش يا غربة الإحساس
…
وكان شريك الألم و الشوق وأحلامي
وهو اللي مد إيديه ف فجر أيامي
سابنا لمين الخال وعمدة الجدعان
النأب كان العدل و المبتدأ سامي
