بدرية طلبة: تعرضت للتهديد بالقتل بسبب قصة ابنة شقيقي

علقت الفنانة بدرية طلبة، على بيان وزارة الداخلية الذي أوضح حقيقة اختطاف ابنة شقيقها، موضحة أنها تعرضت للتهديد بالقتل بسبب تلك القصة.

قالت بدرية للإعلامية ياسمين عز في برنامج كلام الناس، عبر قناة MBC مصر، إنها لا ترى في بيان وزارة الداخلية أي تكذيب لقصتها، معلقة: “أنا بجد بشكر الداخلية، اللي بيقولوا بنكدب بدرية طلبة، الداخلية ماتوجدتش عشان تكدبنا وتخلي منظرنا وحش قدام الناس، وفضلوا ورا الموضوع فعلا لحد ما اتطمنوا وطمنونا”.

نرشح لك: بدرية طلبة: صالحت ياسمين عبد العزيز على أحمد العوضي

أضافت: “عدم صحة الإدعاءات اللي جت في البيان، قصدهم على الشكة لأن كل ده عرفوه من التحقيقات، وبعدين أنا ماقولتش إنها اتخدرت.. ولما شيلت البوست، شيلته عشان لقيت نفسي داخلة في جدل ملوش 30 لازمة”.

أردفت أنها تعرضت للتهديد بالقتل من خلال تعليق على هذا البوست، موضحة: “والحق مش على الناس، الحق على المواقع والصحفيين اللي معندهمش ضمير اللي بيحطوا عناوين ملهاش لازمة، أنا لو عاوزة أطلع تريند هحط تعليق واحد من على صفحتي يخلي الحكومة تحطلي أمن تحت البيت بس أنا مش غاوية وجع دماغ”.

كانت بدرية طلبة، نشرت منشورا وحذفته، أشارت فيه إلى تعرض كشفت الفنانة ابنة شقيقها لمحاولة اختطاف بعد وخزها بـ “دبوس”، وكتبت عبر “فيس بوك”: “والله ماكنت بصدق ومكانش ييجي على بالي أبدًا إن دي حقيقة لكن حصلت لحد مني.. اللي اتشكت دي بنت أخويا وربنا ستر ورجعت بيتها بالسلامة، أمانة خدوا بالكم من بناتكم، لأن واضح إن البنات الكبار هما السن المستهدف.. شيروا على قد ما تقدروا علشان نوعي الناس، دا مش بوست منقول دي صفحتي أنا بدرية طلبة ودي بنت أخويا”.

بعد الهجوم على بدرية طلبة وتكذيب روايتها، قررت حذف البوست وكتابة توضيح للمتابعين.

كتبت “طلبة” عبر صفحتها الرسمية بموقع التواصل الاجتماعي “فيس بوك”: “اعتبروني منزلتش حاجة طالما هتعقدوا تكدبوا وتناقشوا.. أنا بوعيكم مش أكتر لأن حصل معانا فعلا، ومقولتش تخدير كلي زي ما بتقولوا.. والبوست كان واضح واللي بيدخل على الخاص عايز التفاصيل أنا مش فاضية أقعد أشرح لكل واحد مش مصدق براحة راحتك والغريبة بقى اللي يقولك ترند! ترند إيه يا أبو ترند هو أي هبد وأي كلام؟”.

لتكشف وزارة الداخلية حقيقة اختطاف ابنة شقيق الفنانة بدرية طلبة، وتوضح بالفحص تبين عدم صحة تلك الادعاءات وأن حقيقة الواقعة تتمثل في أنه عقب خروج ابنة شقيقها صحبة والدتها للتسوق وشراء بعض المستلزمات ونتيجة لارتفاع درجة الحرارة شعرت بحالة إعياء، ولدى علم الفنانة المذكورة بالأمر قامت بكتابة المنشور المشار إليه دون التحقق من الواقعة. تم اتخاذ الإجراءات القانونية.