بدرية طلبة: انسحبت من برنامج "نفسنة" بسبب حبيبة بسيوني

قالت الفنانة بدرية طلبة، إنها انسحبت من برنامج “نفسنة” بسبب المذيعة حبيبة بسيوني وإثارتها للأزمات بصورة متكررة.

تابعت بدرية خلال لقائها مع الإعلامية ياسمين عز في برنامج كلام الناس، عبر قناة MBC مصر، أنها بالرغم من كل الخلافات التي صاحبت وجودها بالبرنامج إلا أن نجاحه كان كافيا للتغاضي عن أي شيء، معلقة: “برنامج نفسنة هو أحسن حاجة حصلت في حياتي لأن النجاح كان منسينا أي حاجة وحشة بتحصل في البرنامج، وفي ناس لما جت البرنامج الغم بان علينا”.

نرشح لك: بدرية طلبة: تعرضت للتهديد بالقتل بسبب قصة ابنة شقيقي

أضافت: “بس المشاكل طالتني مع حبيبة، وأنا جبت من الأخر قولتلهم يا أنا يا هي، لأن أنا مش هينفع أكون موجودة مع حد مش حابة وجودي معاه، لأنها لما تتطاول على زميلة ليا يبقى هتتطاول عليا.. وده فعلا حصل”.

في سياق منفصل، كانت بدرية طلبة، نشرت منشورا وحذفته، أشارت فيه إلى تعرض كشفت الفنانة ابنة شقيقها لمحاولة اختطاف بعد وخزها بـ “دبوس”، وكتبت عبر “فيس بوك”: “والله ماكنت بصدق ومكانش ييجي على بالي أبدًا إن دي حقيقة لكن حصلت لحد مني.. اللي اتشكت دي بنت أخويا وربنا ستر ورجعت بيتها بالسلامة، أمانة خدوا بالكم من بناتكم، لأن واضح إن البنات الكبار هما السن المستهدف.. شيروا على قد ما تقدروا علشان نوعي الناس، دا مش بوست منقول دي صفحتي أنا بدرية طلبة ودي بنت أخويا”.

بعد الهجوم على بدرية طلبة وتكذيب روايتها، قررت حذف البوست وكتابة توضيح للمتابعين.
كتبت “طلبة” عبر صفحتها الرسمية بموقع التواصل الاجتماعي “فيس بوك”: “اعتبروني منزلتش حاجة طالما هتعقدوا تكدبوا وتناقشوا.. أنا بوعيكم مش أكتر لأن حصل معانا فعلا، ومقولتش تخدير كلي زي ما بتقولوا.. والبوست كان واضح واللي بيدخل على الخاص عايز التفاصيل أنا مش فاضية أقعد أشرح لكل واحد مش مصدق براحة راحتك والغريبة بقى اللي يقولك ترند! ترند إيه يا أبو ترند هو أي هبد وأي كلام؟”.

لتكشف وزارة الداخلية حقيقة اختطاف ابنة شقيق الفنانة بدرية طلبة، وتوضح بالفحص تبين عدم صحة تلك الادعاءات وأن حقيقة الواقعة تتمثل في أنه عقب خروج ابنة شقيقها صحبة والدتها للتسوق وشراء بعض المستلزمات ونتيجة لارتفاع درجة الحرارة شعرت بحالة إعياء، ولدى علم الفنانة المذكورة بالأمر قامت بكتابة المنشور المشار إليه دون التحقق من الواقعة. تم اتخاذ الإجراءات القانونية.