أمينة تكشف تفاصيل إصابتها بتمزق في الأربطة
كشفت المطربة أمينة، تفاصيل إصابتها مؤخرا، بتمزق في الأربطة.
كتبت “أمينة” عبر صفحتها على “فيس بوك” الآتي: “جماعة الناس اللي مفكره إن العيشة وردي وياما هنا ياما هناك، إحنا برضو بني آدمين وبنتعب وبيحصل انتكاسات زي أي حد، ودي حاجة حصلت غصب عني، وبرغم إني كنت بتحامل على نفسي عشان خاطر فيه ناس جاية عشان تشوفني مارضتش أمشي ونتيجة تحملي علي رجلي إني جالي تمزق في الأربطة، كل ده مش مهم قد ما مهم أوي إني لقيت ناس كتير الحمد لله بتبعت تسأل عليا وتطمن عليا، وناس تانية بتشتم فيا وشمتانة فيا وبتقول أحسن ما تقطع، أحسن دي بتترقص، أحسن دي مش عارف إيه؟!”.
نرشح لك: شيرين رضا: مش هتشوفوني في رمضان تاني
تابعت: “ليه كل ده ؟! ليه الغل والحقد ده؟ ليه الكره الغير مبرر ده؟جماعة إحنا أبسط من كده بكتير، وأي شو إعلامي بيظهر قدامكم اوعوا تتخدعوا فيه.. أنا أمينة أختكم وبنتكم ومكنتش متوقعة ألقى فيه ناس كتيرة كده جواها غل وحقد من ناحيتي ليا.. ربنا يهديكم ويبعد عننا النفوس المريضة دي يا رب”.
كانت أمينة، قد كشفت في وقت سابق، عن تفكيرها بشكل يومي اعتزال الفن، والتفرغ لولديها يوسف وعمر، من شدة حبها لهما، حيث قالت خلال برنامج “حبر سري” مع الإعلامية أسما إبراهيم على قناة “القاهرة والناس”: “كل يوم بفكر إني مش عايزة لا فلوس ولا شغل ولا حاجة بيجي عليا وقت حتى وأنا نازلة للشغل بحس إن في حاجة مفقودة، لأن اليوم اللي باخده أجازة عشان أذاكرلهم، وأرص كتبهم قدامي، واهتم بيهم بحس ساعتها بس إني أم”.
أضافت أمينة متأثرة من حديثها حد البكاء، أنها تحبهما لدرجة كبيرة، لا يتخيلها أحد، لافتة إلى أن الموضوع لا يتعلق بوجودها في المنزل وعدم عملها، ولكن هي الفكرة فكرة حب الأم وتأثيرها على أبنائها.
