شهادة جار قاتل "نيرة": كان متعذب لأنها مكنتش ميالة له

قال محمود شاكر أحد جيران المتهم بقتل “نيرة” الطالبة بجامعة المنصورة، إن الإنسان عندما يكون انطوائيا أكثر من اللازم يُخيل له بعض الأشياء غير الحقيقية مثل الانخراط في علاقات الحب، موضحًا: “تخيل إنهم بيحبوا بعض، وعلشان الحب ده ممكن يعمل أي حاجة”.

وأضاف “شاكر” في مداخلة هاتفية مع الاعلامية بسمة وهبة مقدمة برنامج “90 دقيقة” على قناة “المحور” مساء اليوم الأثنين: “البنت مكنتش ميالة له بأي شكل من الأشكال وده اللي عرفته من محمد نفسه، واللي معذبه إنه كان بيحبها وهي مش ميالة له”.

نرشح لك: المتهم تقدم لخطبتها 4 مرات وحاول الانتحار.. تفاصيل جريمة طالبة المنصورة

 

وتابع: “من حقها أي حاجة، والزواج والارتباط مش بالعافية، حاولت أقوله خلص مذاكرتك وأحسن بنت هتتمناك، وهتبقى كويس وهتلاقي إنسانة تقدرك وتقدرها، ومش كلنا اتجوزنا اللي كان نفسنا نتجوزهم”.

وأردف: “حاولت أن أعلي من شأنه، والحب بينهما كان من طرف واحد، ونيرة لم تكن تحبه، كانا زميلين في الكلية وأحبها”.