هيثم دبور عن فيلم "واحد تاني": سعيد بإقبال الشباب عليه

قال الكاتب والسيناريست هيثم دبور، إنه سعيد بإقبال الجمهور حتى الآن على مشاهدة فيلم “واحد تاني” بالسينمات، وخاصة فئة الشباب.

تابع خلال لقائه مع برنامج “the insider بالعربي”: “أنا مبسوط على أكتر من صعيد، مبسوط بحجم الإقبال على الفيلم وخاصة من الشباب، وشايف إن ده رد فعل لطيف خصوصا إن الفيلم مستمر في تحقيق إيرادات كويسة، وده يوضح إن الناس بتخرج تتكلم عنه حلو، مبسوط جدا كمان بالتعاون مع أحمد حلمي، هو نجم كبير والتعامل معاه غير إنه ممتع هو مفيد”.

نرشح لك: أحمد حلمي: دوري في فيلم “واحد تاني” يشبه شخصيتي الحقيقية

أضاف: “رد الفعل على أي فيلم المفروض بناخده الأول من قاعة السينما، يعني الناس اللي بتطلع من الفيلم بتقول إيه للناس اللي داخلة الحفلة اللي بعدهم”، موضحا أن الفيلم لا يهدف لتقديم نصيحة للجمهور لكنه يهدف لإيصاله لحالة شعورية معينة كالحماس والشغف.

كانت إدراة مهرجان روتردام السينمائي الدولي، اختارت الفيلم المصري “واحد تاني” للفنان أحمد حلمي، والذي عرض في عيد الفطر، وتصدر الإيرادات للأسبوع الثالث على التوالي والتي تعدت حتى الآن 50 مليون جنيه داخل مصر فقط، ليكون فيلم الختام بالمهرجان.

وتدور أحداث فيلم حول موظف يعمل أخصائي اجتماعي في مصلحة السجون، حيث يجري مقابلات مع المساجين ويكتب تقارير عن حالتهم النفسية، وفي السجن يقابل أحد زملاء دراسته القدامى ويكتشف أنه أصبح رجل أعمال ناجح، وعقب خروجه يدعوه لحفل يجمع زملاءهم القدامى ليكتشف الموظف أنه أفشل زملاء جيله ويعيد التفكير في حياته مجددا.

يشار إلى أن الفيلم من تأليف هيثم دبور، وإخراج محمد شاكر خضير، وبطولة أحمد حلمي وروبي وعمرو عبد الجليل ونسرين أمين ونور إيهاب وأحمد مالك.