علي الحجار: مراتي هي "بطلة حكايتي"

شدوى ممدوح

أكد الفنان علي الحجار أن أغنيته الجديدة ”بطلة حكايتي”، موجهة إلى زوجته، قائلا: “مراتي هي بطلة حكايتي بجد”.

أضاف ”الحجار” خلال مداخلة هاتفية مع الإعلامي محمد الباز، في حلقة السبت من برنامج ”آخر النهار”، المذاع عبر قناة ”النهار”، أنه عند كتابة الأغنية لم يعلم المؤلف أنها لزوجته، مشيرا: ”لقيت الحكاية حاجة تخصني أنا، والكلام جه على الجرح زي ما بيقولوا”.

نرشح لك: علي الحجار: 12 أغنية في ألبومي الجديد

وعن مستجدات الحالة الصحية للفنان محمد الحلو، قال ”الحجار” إنه ذهب إلى المشفى للاطمئنان عليه في نفس يوم خروجه، مشيراً: ”روحتله المستشفى في اليوم اللي كان خارج فيه، ومحمد الحلو ده بني آدم مختلف خالص وقلبه نضيف جدا وعمره ما جاب سيرة حد بشكل وحش”.

تابع: ”أنا ديما بقول إن محمد الحلو مطرب المطربين، واحنا صحاب من وأنا عندي 19 سنة تقريبا لما اتقابلنا في امتحان معمول لاختيار مغنيين للتخت العربي للموسيقى العربية، ومرضاش يستنى لما أدخله الأوضه وخرجلي عشان يوريني إنه بيمشي كويس”.

اختتم الفنان على الحجار كلامه بأن لديه حفل كبير سيقام يوم السبت الموافق 2/7/2022، في منطقة المنارة.

يذكر أن الفنان علي الحجار قد طرح أغنية جديدة بعنوان “بطلة حكايتي” عبر قناته بموقع الفيديوهات يوتيوب، وهي من كلمات طارق علي وألحان خالد داغر وتوزيع محمد عبد الله.

وجاءت كلمات الأغنية كالتالي:
لأنك بدايتي وحبك هدايتي
بشوفك مرايتي وصوتي وغناه
يا بطلة حكايتي وسر الحياة

سنين عشت قبلك غريب في الأماكن
وكان جوا قلبي كذا جرح ساكن

وجودك حياني ورجعني تاني
لضحكة زماني لعمري اللي تاه
يا بطلة حكايتي وسر الحياة

رجعت لحياتي لقيت نفسي بيكي
كفاية إني عايش معاكي وليكي

يا أجمل هدية من الدنيا ليا
بقيتي لعنيا طريق واتجاه
يا بطلة حكايتي وسر الحياة

سنين عشت قبلك غريب في الأماكن
وكان جوا قلبي كذا جرح ساكن

وجودك حياني ورجعني تاني
لضحكة زماني وعمري اللي تاه