صلاح عبد الله عن قرار حظر النشر في قضية طالبة المنصورة: مظبوط جدا
قال الفنان صلاح عبد الله، إن قرار حظر النشر في قضية نيرة أشرف، الطالبة بكلية الآداب بجامعة المنصورة، التي قتلت على يد زميلها أمام الجامعة، هو في رأيه قرار مناسب وفي وقته.
تابع “عبد الله” خلال مداخلة هاتفية مع الإعلامي تامر أمين في برنامج “آخر النهار”، المذاع عبر شاشة “النهار”: “إحنا بنستغل كل حاجة استغلال سيء، السوشيال ميديا والله فيها جواهر.. أنا مثلا عرفت منها ناس شعراء وأدباء وعظماء ووطنيين، بس في ناس تانية مش وراها غير إنها تستغل كل حدث بيحصل.. ودول المشكلة مش فيهم لكن في الناس اللي بينساقوا وراهم بحسن نية”.
نرشح لك: 9 ملاحظات من الجلسة الأولى لمحاكمة قاتل نيرة أشرف
أضاف: “لازم نبقى متنبهين لده خصوصا في المرحلة التاريخية الحساسة اللي بنعيشها، وفي رأيي قرار حظر النشر اللي صدر هو قرار مظبوط جدا، وأنا مش مصدقه ولا هصدقه”.
في سياق منفصل، كان الفنان صلاح عبد الله حرص على الاحتفال بوالده الراحل في اليوم العالمي للأب الذي يوافق اليوم الثلاثاء 21 يونيو، بعدد من أبيات الشعر كتبها له.
ونشر ”عبد الله” صوره تجمعه بوالده الراحل ”عبر حسابه الشخصي على موقع تبادل الصور والفيديوهات “إنستجرام”، وكتب: ”في عيد الأب ليه؟، شفت مين؟، وشفت إيه؟”.
شفت أبويا عبده أفندي اللي طلع عالمعاش
اللي خدم في الحكومة لما عضم أمه باش
اللي أخلص ليها جداً ولا غش ولا ارتشى
اللي كل ليلة بعد ما يصلي العِشا
يرفع راسه للسما يسأل االي في قلبه عاش
ساعدني أدبر للعيال الطعام والقماش
وآخر أعمال الفنان صلاح عبد الله هو مسلسل “دايما عامر” بطولة مصطفى شعبان، ولبلبة، وأحمد الشامي، وعمرو عبد الجليل، ونضال الشافعي، ومحمد ثروت، وكريم عفيفي، ومحمد محمود، وسما إبراهيم، وأمل رزق، وميرنا نور الدين، ولمى كتكت، وأحمد عنان وعدد آخر من الفنانين الشباب، ومن تأليف أيمن سليم ومايكل عادل وتحت إشراف المؤلف أحمد عبد الفتاح وإخراج مجدي الهواري، وإنتاج كامل أبو علي.