هنادي مهنى: وزني زاد في مصر بسبب الدلع

كشفت الفنانة هنادي مهنا، عن سر رشاقتها وخسارتها لوزنها، موضحةً أنها كانت في أسبانيا خلال فترة الجامعة تتحرك بشكل كبير وكانت رشيقة. هنادي مهنى

تابعت “مهنى” خلال حوارها إلى برنامج “كلمة أخيرة” الذي تقدمه الإعلامية لميس الحديدي على قناة “ON”: “لما جيت مصر كان فيه دلع كتير أوي، محشي وحمام ومسقعة ودي حاجات مينفعش تتساب وماتتكلش”.

نرشح لك: هل يرفض أحمد خالد صالح العمل مع زوجته هنادي مهنى؟

واصلت: “كنت بدرس في أسبانيا في مجال هندسة الصوت بمجال الموسيقى لأني كنت بحب المزيكا أوي وكان حلمي إني أغني قبل التمثيل واكتسبت ده من الجينات من والدي، ولما جيت مصر اشتغلت مدرسة ودرست كذا حاجة وكنت فاتحة شركة مع بابا وأنا بحب اشتغل من صغري حتى في الصيف من صغري ومش بحب أقعد في البيت”.

أردفت: “لما اشتغلت ممثلة مكنتش مستوعبة طبيعة الشغلانة وأن الشغل موسمي ممكن يبقى مكثف شهرين متتالين ثم شهرين آخرين قاعدين في البيت مش بنعمل حاجة ودي كانت حاجة بالنسبة لي فيها إحساس غريب وكنت بقول فيه حاجة غلط لأني متعودة على الشغل اليومي وأني أنام وأصحى عشان ورايا شغل”.

“كلمة أخيرة” يذاع من السبت إلى الثلاثاء في تمام الساعة التاسعة والنصف مساء.

أمير عيد يتحدث في حوار مع “إعلام دوت كوم” عن تجربته في مسلسل “ريفو”