نيكول سابا: مع كل عمل جديد يحدث لي معاكسات

قالت الفنانة نيكول سابا، إنها تشعر بأن حدوث أي معاكسات لها مع طرحها لأعمال جديدة، سببه العين والحسد.

تابعت خلال لقائها مع برنامج “the insider بالعربي”: “أنا مابحبش أمشي على نمط واحد، وبحب كل عمل يبقى مختلف خاصة في العصر ده، وده حلو إنك لسة بتتميزي ولسة بتقدري تبهري بحاجة سواء بالصوت أو الصور”.

نرشح لك: تطورات الحالة الصحية لـ محمد ثروت بعد جراحة القلب

وعن أغنيتها الجديدة “سمك القرش”، علقت: “الأغنية دي تعبتني من وقت التصوير، لأن حصل معايا حاجات كتير وماكنتش فاهمة إشمعنا بتحصل معايا، ولما اتمسح الناس افتكرت إني شلتها، بس هي كانت مشكلة تقنية وإحنا بننزل الأغنية”.

أردفت: “دايما مع كل عمل جديد لازم أتعب ويحصلي معاكسات، بس ده معناه إنك عليكي العين والناس مركزة معاكي، وده معناه إنك مش حد عادي”.

في سياق منفصل، كانت الفنانة نيكول سابا قالت إنها ترى أن الفنان تامر حسني هو أكثر فنان فى جيله حقق توازن بين عمله كمطرب وممثل، مضيفة: “تامر حسني فى التمثيل ماشي أكثر فى الخطوات وأثبت نفسه ونجم شباك وقدم أعمال درامية ناجحة جدا”.

استكملت “سابا” خلال حوارها ببرنامج “حبر سري” مع الإعلامية أسما إبراهيم، على قناة القاهرة والناس: “تامر حسني في الجزئية دي عمل خطوات أنجح في التمثيل ولكن لا يصح المقارنة بينه وبين عمرو دياب والهضبة هضبة ومطرب وممثل عمل توازن في الاثنين ودي معادلة أكثر حد في جيله قدر يعمل الحتة دي”.

في سياق آخر، أكدت نيكول سابا، أنها تعشق رسومات التاتو، قائلة: “أنا مدمنة تاتو على جسمي وعندي أربعة تاتو وبحب التاتو وبخاف أفتح في الموضوع ده لأحسن اعمل تاتو على جسمي كله ونفسي أعمل صورة الأسد”.