زوج يشكو ضرب زوجته.. وأزهري: روح القسم!
شدوى ممدوح
علق الشيخ إبراهيم رضا أحد علماء الأزهر، على مشكلة أحد المتصلين حول ضرب زوجته له باستمرار على الرغم من أنه يلبي لها جميع احتياجاتها.
أضاف ”رضا” خلال استضافته مع الإعلامية ياسمين عز، في حلقة مساء السبت من برنامج “كلام الناس“، المذاع عبر فضائية “مصر mbc”: ”الحالة دي تحديدا أنا سمعت طرف ومسمعتش التاني، والحاجة المهمة أنا بعيب على الزوج مش الزوجة لأن بعض الناس فاهم العلاقة الزوجية فهم عقيم”.
نرشح لك: أزهري: المجتمع يخلق أطفال الشوارع!
أضاف: ”الزوج هو اللي أهمل في حق نفسه وكرامته وكبريائه، ومفيش حاجة اسمها مضطر وربنا قال إن الله لا يغير من ما بقوما حتى يغيروا ما بأنفسهم، سيدنا النبي علمنا كده لو حد جالك وقالك ده فلان قلعلي عينيا وبيديكي عينيه متتعجليش إلا لما تسمعي الطرف التاني لأن ممكن الاتنين يكونوا بيقلعوا عين بعض”.
أشار ”رضا” إلى أن العنف الأسري موجود لا محالة، ولكن عنف المرأة ضد الرجل موجود بنسب معينة، لافتا: ”عنف المرأة ضد الرجل موجود بنسب، وعنف الرجل ضد المرأة بردو موجود بنسب، الفكرة إن دي حالة شاذة، وربنا قال فابعثوا حكما من أهله وحكما من أهلها لما تبقى ست أو راجل حتى بهذا الشكل مالوش كبير؟”.
استطرد: ”لما أب بيضرب من أم ويجي يقول لولاده الحقوني كده أنت مش بتربي ولاد أنت بتربي مجرمين هيخروجوا للمجتمع شايفين حالات عنف، وطالما ملهاش أهل روح لأقرب قسم شرطة وسجل محضر”.
