سبب دعم سمية الخشاب حملة إنترنت غير محدود في مصر

شاركت الفنانة سمية الخشاب في دعم حملة “إنترنت غير محدود في مصر”، والتي انطلقت من أسابيع للمطالبة بتغيير طريقة تعامل الشركات مع خدمة الإنترنت التي يقدموها للمستخدمين والسماح بأن تكون غير محدودة.

كتبت “الخشاب” عبر موقع التدوينات القصيرة “تويتر”: “عشان الجيمرز والجيمنج في مصر، بدعم كل الجيمرز وأتمنى يبقى في إنترنت غير محدود، عشان هيعمل طفرة في الجيمنج والستريمنج، وهيدي فرص كتير لشباب موهوبين يطلعوا مواهبهم على تويتش ويوتيوب والستريمنج بسهولة وحتى التعليم كمان.. إنترنت غير محدود في مصر”.

تابعت: “قيمة أرباح الألعاب الإلكترونية بتتخطى حاجز 100 مليار دولار سنويا، والرقم ده يساوي أرباح شركات المياه الغازية ومستحضرات التجميل، وعندنا جيمرز شاطرين جدا فمصر، بس للأسف محتاجين دعم ومعظمهم مبيقدرش يعمل ستريم بسبب النت المحدود ومبيبقاش فمتناول إيدهم”.

أضافت: “الـesports هو اللي جاي، ويا ريت مننساش أنه النهائي بتاع الفيفا كان فيه 3 مصريين وللأسف معرفوش يسافروا بسبب إجراءات الفيزا، وأكيد مكنش معاهم سيولة مادية، عشان كده لازم الشباب الجيمرز ياخدوا دعم ويلاقوا إنترنت فمتناول إيديهم فيقدروا يبدعوا ويعملوا دخل كويس وحياتهم تتغير جذريا ويمثلونا”.

يشار إلى أن آخر عمل شاركت فيه سمية الخشاب هو مسلسل “موسى”.

مسلسل “موسى” من بطولة محمد رمضان، وسيد رجب، وعبير صبري، ورياض الخولي، وهبة مجدي، وتارا عماد، وصبري فواز، وحمدي الوزير، ومنذر رياحنة، وفريدة سيف النصر، وآخرين، وهو من تأليف ناصر عبد الرحمن، ومن إخراج محمد سلامة، وإنتاج شركة سينرجي.

نرشح لك: تامر أمين: سمية الخشاب عندها هوس الشهرة

 

تامر نبيل يتحدث عن مشاركته في “كيرة والجن” و “منعطف خطر”

تويتر حملة إنترنت غير محدود في مصر رئيسية رياض الخولي سمية الخشاب سيد رجب محمد رمضان مسلسل موسى موسى