تفاصيل مشروع سينمائي لم يكتمل.. بطولة فتحي عبد الوهاب وإخراج أحمد مكي %

قال الفنان فتحي عبد الوهاب، إنه كان هناك مشروع سينمائي يجمعه بالفنان أحمد مكي منذ 15 عام، لكنه لم يكتمل.

تابع “عبد الوهاب” خلال لقائه مع الإعلامي إيلي نخله في برنامج “the insider بالعربي“: “أنا من جمهور مكي وهوصديق عزيز، وأنا اعرفه من قبل ما يبقى ممثل وهو كان مخرج، وبالمناسبة هو مخرج كبير ومهم، ولو إدى شوية وقت من التمثيل للإخراج، هيبقى من المهمين في السينما العربية”.

نرشح لك: عبد الباسط حمودة: لحن “بنت الجيران” مش بتاع حماقي ولا شاكوش

 

أضاف: “إحنا كنا هنعمل فيلم قبل كده فعلا اسمه “عقد يعقد” وكان هو المخرج، من حوالي 16 سنة تقريبا وكنا كلنا لسة بنبدأ، بس لظروف ما توقف الفيلم.. ولما اتكلمنا تاني قالي إن الفيلم محتاج يتعدل في كتابته تاني، ومجرد ما هيعدل الكتابة هنعمله إن شاء الله، والفيلم بجد رائع وفيه قيمة فنية وفيه تعدد في الشخصيات حوالي 7 شخصيات، وممكن يبقى فيلم تجاري جدا”.فتحي عبد الوهاب وإخراج أحمد مكي

وعن وصفه بالحصان الرابح بأي عمل يشارك فيه، أردف: “ده يبقى شرف ليا أتمنى انه أنا أستحقه، أنا الفكرة إني بشتغل زي ما أنا فاهم أو زي ما أنا بشوف الفن، ودائما بروح للدور اللي يستهويني، أو الدور اللي أنا أحس إنه أنا مصدقه، أو الدور اللي أحس إنه ما عملتوش قبل كده، أو الدور اللي بيقدم قيمة فنية عالية”.

 

الجدير بالذكر أن الفنان فتحي عبد الوهاب شارك في الموسم الرمضاني 2022، من خلال مسلسل “جزيرة غمام”، الذي قدم بطولته مع الفنان طارق لطفي، مى عز الدين، رياض الخولي وعدد كبير من الفنانين، وتأليف عبد الرحيم كمال.

The Insider بالعربي أحمد مكي رئيسية فتحي عبد الوهاب نيوز ليتر