حمو بيكا: الشغل مش عيب وأنا تعبت في مسيرتي
قال مطرب المهرجانات حمو بيكا، إنه تعب كثيرا في حياته حتى يصل إلى ما وصل إليه الآن، موجها نصيحة للشباب بأن يعملوا بجهد حتى يصلوا إلى ما يريدون.
نشر “بيكا” عبر حسابه الرسمي على موقع التواصل الاجتماعي “فيس بوك” صورة قديمة له أثناء عمله سائق وكتب: “الشغل مش عيب، العيب أنك تداري الماضي بتاعك والمفروض تفتخر بيه، اللي في الصورة ده شقي وتعب سنين السنين عشان يوصل للي هو فيه دلوقتي”.
نرشح لك: “المتحدة” تعلن انعقاد منتدى للإبداع قبل نهاية العام الجاري
أضاف: “راضي الحمد لله بكل حاجة في حياتي، ونصيحة مني لكل الشباب في الوطن العربي اتعب وأشتغل أي حاجة وأصرف على الحاجة اللي بتحبها عشان هتوصل للي انت عايزه، وربنا هيكرمك بيه، وتعبت جدا في مسيرتي عشان أوصل للي وصلت له دلوقتي”.
كان مطرب المهرجانات الشعبية حمو بيكا، قد وجه رسالة إلى طلاب الثانوية العامة والكليات، تزامنا مع اقتراب موعد امتحاناتهم.
نشر ”بيكا” صورة له عبر حسابه الشخصي ”فيسبوك”، وعلق عليها قائلاً: ”هو أنا آه مش متعلم وأخدت (محو الأمية) بالعافية لكن ده مش حاجة تفرح ولا تقول (عندك بيكا أهو مش متعلم بس ناجح)، صدقوني والله طعم النجاح مع العلم مختلف تماماً عن طعم النجاح من غير علم”.
أضاف أنه يعاني في الكثير من الأحيان بسبب عدم تعلمه، وأكد أن العلم والتعليم مهمان جدا في حياة الشخص بوجه عام، مشيرا: ”العلم بيفرق في كل حاجة في الدنيا، كمية معاناة بشوفها يومياً بسبب إني مش متعلم كبيرة أوي مش بتمني حد منكم يشوفها أو يتعرض لها، العلم بيستر كتير أوي و بيخليك واعي و متفتح في كل مجالات الحياة”.
تابع حتى لو يعمل الشخص بشهادته فيكفي أنه متعلم لافتا: ”هو آه الشارع علمني كتير، بس مش زي المدارس و الجامعات، حتي لو مش هتشتغل بشهادتك وحتى لو دخلت كلية مش بتحبها، بس يكفي إنك متعلم و معك شهادة تقدر تسد بيها عين الشمس”.
اختتم كلامه بضرورة تعلم الفرد من أجل مستقبله، ومستقبل أولاده، مشيرا: “أتعلموا وخلوا بالكم من تعليمكم وشهداتكم لأنها هتفرق كتير أوي معاكوا و مع عيالكم بعد كده، انا آه مادخلتش مدارس و ماتعلمتش، بس حابب كل اللي حواليا ناجح و متعلم و أوعى يوم تقول أهو فلان ناجح بس مش متعلم”.