مرتضى منصور عن السيسي: شكلك عجز 20 سنة - E3lam.Com
قال المستشار مرتضى منصور أن الصحفي محمد فودة اعتاد على أن يرشو، وكانت هناك تصفية حسابات بينه وبين محافظ الجيزة الأسبق ماهر الجندي أول من حارب الإرهاب، فكان يستغل اسمه في الحصول على رشاوى وتم القبض عليه، قائلاً: “لازم القانون يتعدل عشان محمد فودة”.
وفي سياق آخر تابع “منصور” خلال حواره مع أحمد موسى في برنامجه “على مسئوليتي” على صدى البلد، الأربعاء: “أنا بوجه رسالة للرئيس السيسي، الناس بتحبك وانت ليك ظهير شعبي، الناس مانزلتش 30 يونيو عشان البرادعي، الناس نزلت عشانك، وفي 3 يوليو نزلوا عشانك انت، لازم تجمد قلبك لأن انت شكلك عجز 20 سنة”.
وأضاف: “فين أصالة اللي بتحارب بلدها وجيش بلدها، فين سوريا دلوقتي، فين ضميرك يا أصالة، ده جيشك اللي اتدمر، انما احنا جيشنا حامينا… واللي فجر الأحداث في تونس كان بو عزيزي اللي مات كافر، واللي فجر الأحداث في مصر كان خالد سعيد المدمن، ماتقوليش 25 يناير ثورة، الثورة هى 30 يونيو بس”.
وعن قضية “فساد وزارة الزراعة” قال “منصور”: “أنا برفض ان مانشيتات الجرايد يتكتب فيها ان الوزير مرتشي، لما يبقى في حكم نبقى نقول، وبتمنى من الإعلام يصبر لأن النيابة بتحقق ولسه مفيش إدانة”.