بعد دعائه له من المسجد النبوي.. رسالة سعد الصغير لمحمود الليثي
رد الفنان سعد الصغير على رسالة الفنان محمود الليثي، والتي بعث بها الأخير إلى “الصغير” من داخل المسجد النبوي ودعا فيها له.
نشر الصغير على حسابه عبر إنستجرام مقطع فيديو لمحمود الليثي من داخل المسجد النبوي وهو يدعو له ولأولاده، وعلق سعد كاتبا: “أخويا وحبيبي وعشرة العمر أبو سيد.. ربنا يخليك ليا ودايما في نجاح كده يارب ومبسوط دايما، ودايما في ضهر بعض”.
أضاف: “أخويا بجد اللي بحبه من قلبي وربنا عارف انت عندي ايه.. ربنا يحميك ويكرمك واللهم تقبل منك يارب.. تسلم يا غالي”.
نرشح لك: سعد الصغير: ربنا مش راضي عني
View this post on Instagram
في سياق منفصل، كان قد قال الفنان سعد الصغير، إن لديه صراع في حياته بين الخير والشر، موضحًا أن والدته قبل وفاتها كانت تتمنى أن يقدم برنامج شبيه لبرنامج الإعلامية ريهام سعيد.
أضاف “الصغير” خلال لقائه في “سابع سما” المذاع على قناة “النهار” وتقدمه الإعلامية راغدة شلهوب، أنه قدم برنامج خيري على إحدى القنوات الفضائية وهذا ما يخفف عنه إحساسه بالذنب، مشيرا إلى أن دعوات الأشخاص الذين يستضيفهم في البرنامج الخيري أفضل من غنائه في الأفراح.
تابع: “ربنا مش راضي عني، وأنا مش راضي عن نفسي، ولما أعمل برنامج خيري ببقى راضي عني، وبحس أن الدعوة أحسن من مليون فرح أنا عملته، ضميري يؤنبني لأن سني كبر، وأنا كنت بقول لما ابني يتجوز مينفعش أبقى جد وأنا بغني”.
أوضح: “زمايلي شيوخ لما كانوا يكلموني يقولوا إحنا رايحين نعتكف خمس أيام، وأنا أقول لهم عندي حفلة في شرم، تناقض غريب جدا، لدرجة أن هم قالوا إحنا تعبنا معاك يا سعد، اللي مهديني سنة أني عملت البرنامج الخيري”.
أردف: “أمي قبل ما تموت قالت لي نفسي تعمل برنامج زي ريهام سعيد، يدوبك عملت برنامج خير والقناة قالت لي أعمل اللي أنت عايزه، ومبهتمش بالأصوات والغناء في البرنامج أكتر من الخير، وعلى فكرة مش أنا اللي بدفع المساعدة القناة هي اللي بتدفع، بس أنا مستريح بالدعوة”.
وفي نفس السياق، قال الفنان سعد الصغير، إنه يدعو الله دائمًا بأن يعينه على قرار اعتزال الفن، خاصة بعد تقديمه برنامج “مولعها نار” على قناة “الشمس” واصفًا إياه بأنه برنامج “خير”.
أضاف “الصغير” في تصريح لبرنامج “et بالعربي”: “والله العظيم تلاتة بدعي ربنا.. أول ما تلاقيني بطلت أعرف إن ربنا رضى عليا”.
في سياق آخر، قال: “مش عايز أعمل حاجة خالص غير البرنامج ده، وبحب بفقرة الخير بالذات أكتر من أي حاجة، لأن انت بتعمل الخير فيه، مش برنامج فضايح، كفاية إني خليت أبو بوسي يعتذرلها.