رامي صبري في ذكرى وفاة شقيقه: أسوء يوم في حياتي
أحيا الفنان رامي صبري ذكرى وفاة شقيقه كريم الأولى، والذي كان قد راح إثر حادث أليم العام الماضي.
نشر رامي صورة لشقيقة وكتب عبر حسابه بموقع التواصل الاجتماعي “فيس بوك”: “أخي الغالي، زي النهاردة تلقيت الخبر الصادم وهو خبر وفاتك، يوم من أسوء أيام حياتي بجد”.
نرشح لك: رنا رئيس ترد على شائعات علاقتها بـ محمد كيلاني
تابع: “وحشتنا يا كريم يا طيب.. آه بغني وبشتغل لكن مش مبسوط، في حاجة مهمة دايما ناقصة، دايما ببص ورايا علشان أشوفك مش بلاقيك زي ما كنت دايما معانا. فاكرك وكل يوم بدعيلك كل ما بفتكرك يا طيب”.
أردف: “أنا مقصرتش معاك والله، بس هو ربنا عايز كده، وأقصى ما يمكن أن يفعله إنسان هو تنفيذ إرادة الله. ربنا يرحمك يا غالي ويصبرنا ويصبر أمي”.
في سياق آخر، كان الفنان رامي صبري قد طرح أغنية “أنتي جنان” من كلمات عمر عريبة وإسلام الجريني، وألحان تيام علي، ومكس وماستر جلال حمداوي.
وجاءت الكلمات كالتالي:
كله عادي إلا أنتي شمس طالعة
كله حلو إلا أنتي بس روعة
شكلي وقعت فيكي أوبس أوعى.. معدية وفوق
أنتي قمر وسط ليل هادي
أنتي جو موود جميل وصافي
جمالك متفصل مش عادي
مليانة رقة وذوق
لا ده انتي جنان.. شمس وراسمها فنان.. العيون عربية كمان إيه بقى مش كدا.. عقلي أنا هيطير
عينيكي بتجر من بصة شدت قلبي أتجر
جمال رباني لاء لاء مش سحر
ملفتة نجمة في وسط الجماهير
أنتي في الشتا باريس أوروبا
مودك أحلى من المالديف وأوبا
الجمال ده مش خفيف ده طلقة
أنتي جاية منين؟
أنتي هواكي يرد الروح صافي
ضحكتك بتخلي الصبح دافي
حبك ده إللي رسيت عليه راسي
هو ده اللي حلمت بيه