محمد عدوية: مش هينفع أقارن نفسي بوالدي
قال الفنان محمد عدوية، إنه لا يستطيع مقارنة نفسه بوالده الفنان أحمد عدوية، لكونهما ينتميان للونين غنائيين مختلفين.
تابع خلال لقائه مع الإعلامي يوسف الحسيني في برنامج “التاسعة”، المذاع عبر القناة الأولى المصرية: “لو في مقارنة.. مش هينفع أقارن نفسي بأحمد عدوية، وأنا من صغري قبل ما أقابل أستاذ ياسر حسانين، كان نفسي أعمل مزيكا بطريقة معينة وده اللي خلاني أعافر في الدنيا عشان أوصل للحتة دي.. حبيت يبقى ليا الحتة بتاعتي”.
نرشح لك: كلمات أغنية “وزير السعادة” لـ عمرو دياب
أضاف: “والدي بيحب كل الناس وبيسمع كل المزيكا، وأنا زيه وشايف إن دي أرزاق.. بس بردو ماينفعش نقول كلمة تخدش الحياء عشان عندنا أجيال طالعة المفروض منعودهمش على كده، وفي نفس الوقت نعمل مزيكا ونرقص الناس مفيش مشكلة”.
أردف: “أي حاجة جديدة ومختلفة شوية بتتعرض للهجوم، لأنها بتبقى جديدة على المستمع.. بس الأجيال الجديدة عندها وجهة نظر في المزيكا ووصلوها ونجحت”.
كان الفنان محمد عدوية قد طرح أغنية جديدة بعنوان “الناس نوعين” على قناته الرسمية على موقع “يوتيوب”، ويشاركه فيها مطرب الراب سداوي.
الأغنية من إنتاج شركة “كلمة”، وفكرة ورؤية المنتج ياسر حسانين.