ميدو: القطاع الطبي في مصر مهزلة
هدير عبد الوهاب
هاجم الإعلامي أحمد حسام ميدو، لاعب منتخب مصر السابق، القطاع الطبي في مصر، مشيرا إلى أن المستشفيات رفضت استقبال والد زوجته لعدم وجود أطباء بسبب إجازة العيد، واصفا الأمر بالمهزلة.
قال “ميدو” خلال بث مباشر عبر حسابه الشخصي على موقع “إنستجرام” صباح اليوم، إنه خلال عطلته الصيفية في الساحل الشمالي، والد زوجته مر بوعكة صحية شديدة وذهب إليه في القاهرة لنقله إلى المستشفى، لكنه فوجىء أن المستشفيات ترفض استقباله ولا يوجد أطباء.
نرشح لك: ميدو عن منتقدي ملابس بسنت حميدة: هنرجع لعصور الظلام؟
أضاف: “تخيلوا إن القطاع الطبي في مصر معظم الدكاترة بيوصوا الدكاترة الصغيرين مابيعتلهومش شغل في العيد عشان هما في إجازة، ده اسمه كلام؟ يبقى مايستحقوش يلبسوا البالطو الأبيض، تخيلوا إن الناس ممكن تموت عشان الدكاترة في إجازة”.
لفت: “وخلوا بالكم أنتوا بتتكلموا الحمد لله إن إحنا الحال ميسور ونقدر ندخلوا مستشفى خاص، تخيلوا بقى الغلابة”.
واستنكر أحمد حسام ميدو عدم وجود نظام للمستشفيات خلال الإجازات وفي أقسام الطوارئ، قائلا: “الدكاترة إللي بيروحوا إجازات ماشي أنت من حقك تاخد إجازة، بس إزاي مفيش سيستم إن يبقى لازم في دكاترة في كل تخصص موجودين للطوارئ، هي الناس مابتتعبش في الإجازات الناس ممكن تموت في أي وقت، والله لو شوفتوا مهزلة القطاع الطبي في مصر مهزلة وبكلمكوا على مستشفيات كبيرة، دار الفؤاد رفضوا وقالولي مفيش دكاترة”.
انتقد “ميدو” تصرف بعض الأطباء واصفا إياهم بأنهم ليس لديهم ضمير، مشيرا: “بصراحة حاجة تزعل لما يكون الدكاترة الكبار كلهم المفروض إن أنت سلاحك الناس، وإن أنت تبقى تحت أمر الناس ده القسم بتاع الطب”، مؤكدا: “أنا بقولكوا على مسؤوليتي ومن خلال تجربة شخصية القطاع الطبي في مصر بايظ وفاشل والدكاترة معظمهم معندهمش ضمير”.
وتطرق في حديثه متسائلا عن القانون الذي ينص على استقبال الحالات الحرجة مجانا في اليوم الأول، لماذا لا يتم تطبيقه، قائلا: “وأنا واقف راجل دخل في حالة حرجة ومارضيوش يدخلوه إلا لما يدفع 10 آلاف جنيه تحت الحساب، أنا عايز اسأل سؤال هو مش فيه قانون طلع إن أول 24 ساعة للحالات الطارئة ببلاش على أي مواطن، القانون ده مابيطبقش ليه؟”.
واختتم كلامه مطالبا بمحاسبة المسؤلين عن القطاع الطبي، قائلا: “مفيش أي بلد في العالم محترمة بيحصل فيها الكلام ده إن الناس تبقى مش عارفة تخش المستشفى عشان الدكاترة في إجازة وقاعدين على البحر ما أنت عملت فلوسك منين؟ عملت فلوسك من الشعب والناس، معرفش مين وزير الصحة ولا وزيرة الصحة المسئول عن الكلام ده بس الناس دي لازم تتحاسب”.
View this post on Instagram