لقاء الخميسي عن واقعة حارس مرمى الاتحاد السكندري: لا تمت للإنسانية!
علقت الفنانة لقاء الخميسي على مغادرة أحمد يحيي، حارس مرمى فريق نادي الاتحاد السكندري، غادر ملعب مباراة فريقه أمام سيراميكا كليوباترا وهو في نوبة بكاء شديدة.
كتبت “الخميسي” عبر موقع التواصل الاجتماعي “فيس بوك”: “الحقيقة أن الواحد ساكت بقاله سنين، بس اللي حصل النهارده لا يسكت عليه! الأخلاق راحت فين؟! الإنسانية راحت فين؟ إيه بجد اللي حصل للناس؟!
مشهد بائس ومخيف ولا يمت للإنسانية بصلة. أحمد يحيى حارس مرمى الاتحاد السكندري، حارس مرمى مثابر ومجتهد وإنسان خلوق وشاب في بدايات مستقبله، توفى أخوه من يومين ونزل الملعب ولعب ووقف وصد وعمل اللي عليه كله، والأخطاء ماتخصوش وحتى لو تخصه ودا مش حاصل!”.
نرشح لك: في حالة بكاء.. حارس الاتحاد السكندري يغادر مباراة سيراميكا كيلوباترا
تابعت: “ليه الإهانات ليه الشتيمة ليه التعدي بألفاظ خارجة ليه كل دا؟! يا عالم دي رياضة رياضة مش خناقة ما بين بلطجية، دى متعة مش تعنيف! إيه بقى امتى هاتفهم أن لاعب الكرة بني آدم يؤدي شغله وبيحس وبيحلم وعنده أهل بيزعلو أما بيتهان وهما يتهانو معاه، وعنده أم بتزعل وزوجة بتتجرح على جرحه”.
اختتمت: “كفاية بقى كفاية تكرهو الناس في عيشتهم وشغلهم اللي بيبذلو فيه مجهود وبيحبوه. محدش ليه حق مطلق في الشتيمة والإهانة. أي حد بيشتم هل يقبل أنه يتشتم ويتهان! هل تقبل دا عليك وعلى أهل بيتك؟! اتقوا الله بقى اتقوا الله”.
كان أحمد يحيي، حارس مرمى فريق نادي الاتحاد السكندري، غادر ملعب مباراة فريقه أمام سيراميكا كليوباترا وهو في نوبة بكاء شديدة.
هاجمت جماهير الاتحاد السكندري أحمد يحيى بعدما دخل في شباك فريقه 5 أهداف في مباراة سيراميكا كليوباترا حتى الدقيقة 75 من عمر المباراة.
خرج أحمد يحيى من المباراة بعد الهجوم عليه، إذ أنه يعاني من حالة نفسية سيئة بعد وفاة شقيقه خلال الساعات الماضية. وطالب باستبداله وهو في حالة بكاء هيستيري قبل نهاية المباراة بربع ساعة في ظل هجوم جماهير الاتحاد وهتافهم ضده، ووسط مواساة جميع لاعبي الفريقين له لحظة استبداله.
انتهت المباراة بهزيمة الاتحاد السكندرية بخماسية من نظيره سيراميكا كيلوباترا.