أحمد سعد عن زوجته: "بهدي ليها كل اللي أنا فيه دلوقتي"

شروق عبد الحميد

كشف الفنان أحمد سعد، عن دور زوجته علياء بسيوني في نجاحه، وتشجيعها المستمر له.

قال “سعد” خلال لقائه مع “ET بالعربي“: “بصراحة عليا حبيبة قلبي، أنا بهدي ليها كل اللي أنا فيه دلوقتي، وعلى فكرة الناس بتبقى عارفة أنك كويس دلوقتي، وحياتي الشخصية كويسة، وبلاقي ناس كاتبة في الكومنتات شكراً لعليا أنها خلت أحمد يعملنا حاجات حلوة”.

نرشح لك: محمد رمضان يكشف تفاصيل فيلمه الجديد “عالزيرو”

تابع: “غيّرت فيا لأنها لما بتحط حاجة معينة في دماغها محدش في العالم يقدر يغيرها، وخلتني أبقى كده، زن مهول على مصلحتي، في أغنية عزيز الشافعي كل يوم تقولي أنا عاوزاك تعمل أغنية عزيز الشافعي، ولما قولتها ماشي هعملها، بقيت تقولي كل يوم عملت أيه في أغنية عزيز الشافعي”.

وجه “سعد” رسالة للجمهور، قائلا: “أنا بقول لكل الناس، إن وراء كل رجل عظيم امرأة، مش علشان هي بتغني مكانه أو بتنزل حفلات مكانه، لا علشان بتخليه يظهر بشكل مختلف، ويواجه الحياة، ويعمل ألحان بشكل مختلف، وده بصراحة اللي عملته عليا معايا، وأنا دايما بقوله لأن الامتنان والشكر لما تقوله دايما، تحس بيه وتحس بالنعمة اللي أنت فيها وتقدر تحافظ عليها”.

يُذكر أن الفنان أحمد سعد، رُزق بمولودة جديدة من زوجته مصممة الأزياء علياء بسيوني، وقام بتسميتها على نفس اسمها.

جمعت قصة حب بين النجم أحمد سعد ومصممة الأزياء علياء بسيوني في شهر يوليو في عام 2020، واحتفل الثنائي بعقد قرانهما في شهر أغسطس من العام الماضي، واقتصر الحضور على الأسرة فقط، وعدد من الأصدقاء والمقربين.

من ناحية أخرى كان أحمد سعد، قد طرح أغنيته الجديدة “وسع وسع”، من كلماته وألحانه، بالتعاون مع مصطفى حدوتة، توزيع موسيقي إيهاب كلوبيكس، وإنتاج شركة مزيكا.