محمد إمام يشوق جمهوره لفيلمه الجديد: هيبقى معايا نجم كبير جدا
محمد إمام يشوق جمهوره لفيلمه الجديد
شدوى ممدوح
قال الفنان محمد إمام إنه فوجئ بنجاح فيلم ”عمهم” بهذا الشكل، مشيرا إلى أنه لم يتوقع ذلك مطلقا.
أضاف ”إمام” خلال لقائه مع برنامج ”بالعربي ET”: ”مكنتش متوقع أن الفيلم هيعجب الناس كده ولا كنت متوقع أن هيبقى في الفيلم كمية الضحك دي، حتى لما شوفت الفيلم في المونتاج قولت عليه لطيف لكن متوقعتش أن الناس هتضحك كده، ولا كنت أتخيل الإيرادات اللي عاملها الفيلم”.
نرشح لك: تعليق محمد إمام على نجاح فيلم “عمهم”
كما أشاد ”إمام” بفريق عمل فيلم ”عمهم”، مشيرا: ”معايا مجموعة ممثلين بجد أنا أتشرفت بالشغل مع كل واحد فيهم، وكل واحد فيهم نجم في دوره وكلهم كانوا حابين شغلهم ومهتمين بيه، وحبنا لبعض والكواليس الحلوة اللي كنا فيها كل ده باين على الشاشة”.
وعن تفاصيل فيلمه الجديد، وكذلك فيلمه الذي من المفترض أن يجمعه بوالده الفنان عادل إمام، قال: ”لسه في وقت كتير لأن الفيلم لسه فكرة ولسه هيتكتب ويتحضر، وفيلمي اللي بحضرله دلوقتي هو من إخراج رامي إمام وتأليف أيمن وتار وهيبقى معايا نجم كبير جدا بس مش هحرقه دلوقتي عشان ده مفاجأة جامدة”.
بالنسبة لظهوره في المسلسلات الدرامية مرة أخرى، أشار ”إمام”: ”لسه ملقتش حاجة في الدراما وخصوصا إني مركز في السينما دلوقتي وبعمل فيلم، ويا ريت لو في مسلسل بس الواحد مش عايز ينزل بأي حاجة وخلاص لمجرد أنه يبقى موجود”.
فيلم “عمهم” يعرض الآن في السينمات، وهو من تأليف وسام صبري، وإخراج حسين المنباوي، وإنتاج أحمد السبكي، وبطولة محمد إمام، وسيد رجب، ومحمد سلام،ومحمد لطفي، وهدى المفتي، وأيتن عامر، وباسم سمرة، ورياض الخولي، وأحمد خالد صالح، ومحمد ثروت، والشحات مبروك.