أحمد موسى: اترفع عليا 40 قضية لإسكات الصوت!
شدوى ممدوح
قال الإعلامي أحمد موسى، إن الأهلي قدم أسوء مباراة له خلال الشوط الأول من لقاء القمة في نهائي كأس مصر، التي انتهت بفوز الأبيض بهدفين مقابل هدف.
تابع “موسى” خلال برنامج ”على مسئوليتي”، المذاع عبر قناة ”صدى البلد”: ”مفيش على راسنا بطحة، بقول للكل، برنامجنا مش بتاع حد، بتاع كل الجماهير، نقول ما نؤمن به، عايزين روح رياضية وفرق أفضل، الساحة الرياضية أفضل اليوم، ويوجد ردع، لكن يجب أن يكون العنوان مصر العظيمة”.
نرشح لك: حسان العربي: الزملاء اللي بقوا نجوم مش بيفتكروني!
أضاف: ”أنا أكتر واحد مش مهتم بالسوشيال ميديا، بتعرض لهجوم وعارف مصدره إيه من 2013، اللي بيحصل ده بيديني قوة، ومش بيضايقني، ولا بيخليني أخاف أو أقلق أو أغير قناعاتي، اترفع عليا 40 قضية مفيش حد في الإعلام اتعمل معاه كده، اترفع قضايا ضد هذا البرنامج لإسكات الصوت، هما اللي اتسجنوا والصوت ما زال موجودا”.
أستطرد: ”الأهم الإيمان بما نقول، ناس كتير عملت فيديوهات ومش بنرد عليها، إحنا بنطلع لجمهورنا اللي بيستنانا في مصر والعالم العربي، هذا البرنامج واحد من أهم البرامج والأعلى في نسب المشاهدة في مصر والعالم العربي، لدينا مصداقية وقناعتنا مستمرة”.
في سياق متصل، قال إن برنامج “مسؤوليتي”، هو برنامج الجميع ومش مع حد، مردفا: “كتير البرنامج ده جاب مسؤولين هنا من الزمالك وعمل لقاءات كتيرة معاهم”.
واصل: “مش مع حد حتى لما الزمالك كسب الناس عارفة إني أهلاوي وبحبه جدا قدمت التهنئة على فوزه بالكأس فريق الزمالك ولا غيره بياخد بطولة نحيه ونباركله، والناس لام تعرف ده بشكل واضح، أنا رأي مؤمن بي ولازم الناس تبقى عارفة كده الزمالك استحق وقدمنا التهنئة على فوزه، لازم نشوف الصورة كاملة مش ناخد جزء من الصورة ونقدمها للناس الروح الرياضية ونشتغل على مباراة يوم الخميس”.
تابع: “الأهلي والزمالك هيقابلوا بعض مدى الحياة، وفي أجيال جاية تاني في هيكسب وفى هيخسر دى سنة الحياة الناس لازم متبقاش مضايقة وتبقى زعلانة، منتخب مصر في أهلي وزمالك في طارق حامد والونش وزيزو وفي أفشة والشناوي في الأهلي الزمالك استحق المتش والبطولة وقولت كده بعد المتش على صفحتي”.