لمواجهة ارتفاع الأسعار.. عمرو أديب يطالب المواطنين بمقارنة أسعار الأدوية
شروق عبد الحميد
وجه الإعلامي عمرو أديب نصيحة للمواطنين خاصة أصحاب الأمراض المزمنة بضرورة تغيير الصيدلية التي يتعاملون معها والبحث عن صيدليات تقدم نفس الدواء بسعر أقل.
قال “أديب” في حلقة اليوم الاثنين من برنامجه “الحكاية” المُذاع على قناة”mbc مصر”: “زي ما أنا قولت لحضرتك روح كذا سوبر ماركت أو متجر أغذية لغاية ما تلاقي سعر كويس، لو سمحت قارن في أسعار الأدوية، هتقولولي دي مسعرة، لكن أنا بقولكم قارنوا فيها”.
نرشح لك: شروط حضور تصوير حلقة روبي في “معكم منى الشاذلي”
تابع: “خصوصا أصحاب المرض المزمن سكر أو قلب أو ضغط أيا كان، غير الصيدليات وشوف الفاتورة، لأن ده بروتوكول بتاخده أكتر من مرة في اليوم”.
أشار إلى أنه يفعل ذلك للمساعدة فقط ومحاولة لتقليل الفاقد، حيث أردف: “الغلاء موجود وشر لا بد منه ولكن الشر ده بنحاول نقلله شوية بحاجات بسيطة، ازاي؟ أغير الصيدلية، مصر فيها صيدليات تسد عين الشمس وأسماء كبيرة وضخمة والأدوية بتروح لغاية البيت دليفري، وهي الدولة الوحيدة اللي فيها الدوا دليفري”.