آمال ماهر عن حفلها بالساحل: كأنها أول حفلة في حياتي
كشفت الفنانة آمال ماهر عن كواليس تحضيرها لإحياء حفل يوم الجمعة المقبل في العلمين، وذلك بعد غياب حوالي عامين.
قالت “ماهر” خلال مداخلة هاتفية مع برنامج “مساء dmc” المذاع على شاشة dmc ويقدمه الإعلامي رامي رضوان: “بنعمل البروفات وأنا بستعد، بأؤهل نفسي وبستعد نفسيا ومعنويا وكل شيء، الموضوع محتاج آه، والله كأن أول حفلة بعملها في حياتي”.
نرشح لك: نيللي كريم: لو مكنتش بحب الاستقرار مكنتش هخلف 4 عيال
أشارت إلى أنها تشعر بالتوتر، قائلة: “أنا أساسا في أي حفل ليا قبل كده أنا بخاف جدا، يعني لحظة لقاء الجمهور دي بالنسبة لي لحظة مخيفة، مخيفة علشان خاطر أنت بتشيل مسؤولية ثقتهم وحبهم واهتمامهم وحاجات كتير جدا بتبقى في الحسبان فبتبقى من جواك نفسك تكون على أكمل وجه علشان الحب والثقة والشغف بتاع الجمهور ده له تمن ومش تمن عادي”.أوضحت: “توتر غريب بس طبعا من أول لحظة بشوف فيها حب الناس واحتوائهم بحس أنهم محتضنيني وأنا واقفة على المسرح فبحس بأمان فظيع”.
كما أعلنت آمال ماهر عن وجود مفاجأة بالحفل، موضحة: “إن شاء الله هيكون في حاجات من الألبوم الجديد في الحفلة، دي مفاجأة وهيكون فيه أغنيتين إن شاء الله، مع الحاجات اللي الناس عارفاها وبتحبها، وحاجات من تراثنا الجميل هنغنيها، فيارب إن شاء الله تبقى حفلة تليق بحب الناس واحترامهم، وإن شاء الله ربنا يعينني”.
لفتت إلى أن هذا الحفل يمثل عودتها للنشاط الفني، كما أن الألبوم الجديد يتكون من 12 أغنية.