أكرم حسني: دايما بتعلم من أخطائي

شدوى ممدوح                    أكرم حسني

أعرب الفنان أكرم حسني عن حبه الشديد للفنان أحمد مكي، مضيفا أنه يحب العمل معه لأنه فنان مختلف ومبدع.

أضاف “حسني“ خلال لقائه مع الإعلامية لميس الحديدي، في برنامج “كلمة أخيرة“، المذاع عبر قناة “ON“: “مكي لما غنى أغنية ستو أنا في مسلسل الكبير ده دل على إن عنده ثقة في النفس مش عند ناس كتير، إن يبقى في حاجة ناجحة بشكل أو بآخر بتنافس الشغل اللي بعمله واذكرها أو أوجه نظر الناس ليها دي مش أي حد يعملها غير واحد فنان وعنده ثقة في نفسه أوي“.

نرشح لك: أكرم حسني عن سرقة كلمات “لِلّي”: الكتابة بالصعيدي مش جديدة عليا

وعن نجاح تجربة مسلسل “مكتوب عليا“، أشار: “أنا دايما بتعلم من أخطائي ودايما بحاول أقدم حاجة متعوب عليها، والتفاصيل هي اللي بتنجح يعني الاهتمام بالورق والكاست وأغاني المسلسل ومكنش ده اهتمامي لوحدي ده كان اهتمام الكتيبة من المخرج خالد الحلفاوي والسيناريست إيهاب بليبل والمنتج كريم أبو ذكري.. المجهود الجماعي ده يستحيل يطلع عمل وحش“.

أردف: “أنا بحب الفنان فؤاد المهندس والفنان نجيب الريحاني جدا الاتنين دول كانوا بيضحكوا جدا ويعيطوا جدا وده تقريبا بان شوية في مسلسل مكتوب عليا.. من أول لحظة كنت متصالح مع نفسي إن ده مش مسلسل في المقام الأول كوميدي صرف هو مسلسل اجتماعي كوميدي إنساني لأن في الحلقة الـ 30 الناس كانت بتعيط وقالولي إني نكدت عليهم، هو مسلسل بيتكلم عن فكرة الرضا وعشان الفكرة دي تتحقق ماكنش ينفع نهزر طول الوقت “.

جدير بالذكر أن مسلسل “مكتوب عليا” بطولة أكرم حسني، ويشاركه البطولة عدد من النجوم أبرزهم عمرو عبد الجليل، أيتن عامر، هنادي مهنا، ولأول مره المطربة هلا رشدي، إضافة إلى الفنانة القديرة حنان سليمان، وإسماعيل فرغلي، ومحمد طعيمة، وأخرون، كما يظهر في المسلسل عدد من ضيوف الشرف.

يشار أن مسلسل “مكتوب عليا” من تأليف إيهاب بليبل، وإخراج خالد الحلفاوي، وإنتاج كريم أبوذكري “k media” بمشاركة المتحدة للخدمات الإعلامية.