كلمات أغنية "أسيب نفسي وغني" لـ دنيا سمير غانم
طرحت الفنانة دنيا سمير غانم أحدث أغنياتها والتي تحمل اسم “أسيب نفسي وأغني”، عبر قناتها الرسمية على موقع الفيديوهات يوتيوب.
أغنية “أسيب نفسي وأغني” من كلمات مصطفى ناصر وألحان عمرو مصطفى وتوزيع النابلسي ميكس وماستر أمير محروس.
نرشح لك: استمع.. أغنية “أسيب نفسي وغني” لـ دنيا سمير غانم
جاءت الكلمات كالتالي:
حاسة إني في مود رايق وجديد
وبعيد عن كل الناس
رامية الحسابات ورا ضهري بعيد
ومسلِّمة للإحساس
وده وقتي إني أخد وقت
أعمل كل اللي بحبه وبس
وكلام الناس أنساه
وماقولش غير أنه كلام الناس
أنا عايزة أسيب نفسي وأسيب الدنيا وأغني
محتاجة أقعد ويايا شوية ونتكلم عني
عن فرحي اللي مستنياه
عن يوم عيشته وماقدرش أنساه
أحكي لنفسي الحكايات
وكمان أسمع حكايات تانيين مني
إحساس في خيالي سنين شايفاه
محتاجة أدخل جواه
أمسك بإيديا في إيد قلبي
وأتمشى شوية معاه
أهرب لمكان جوايا بقاله سنين
محتاج يتحس
ده القلب أما بيرتاح
يقدر يخلق في حياتنا حياة
يذكر أن دنيا سمير غانم تنتظر عرض فيلمها “تسليم أهالي” من تأليف شريف نجيب وإخراج خالد الحلفاوي، ويضم العديد من النجوم ومنهم: شيكو، محمد ممدوح، ودلال عبد العزيز، ولوسي، وعمرو وهبة، وبيومي فؤاد.
يشار إلى أن آخر أعمال الفنانة دنيا سمير غانم مسلسل “بدل الحدوتة 3” من تأليف أيمن وتار وشريف نجيب، وإخراج خالد الحلفاوي، وشارك فيه العديد من النجوم ومنهم: سمير غانم، ودلال عبد العزيز، وسماح أنور، شيماء سيف، ومحمد أوتاكا، وعمرو وهبة.